ہیڈلائنز


انڈین آرمی افغان خواتین اہلکاروں کو تربیت دےگی

Written by | روزنامہ بشارت

نئی دہلی : افغان خواتین فوجیوں کا دستہ پہلی بار تربیت کے لیے بھارت پہنچ گیا، اس سے قبل ہندوستان افغانستان کے مرد فوجی اہلکاروں کو تربیت فراہم کرتا آرہا تھا، پہلی بار انڈین آرمی افغان کی خواتین اہلکاروں کو بھی تربیت دےگی، افغان خواتین فوجیوں کے اس دستے میں 18 بری، تین فضائی فوجی خواتین کے علاوہ وہ خواتین بھی شامل ہیں جو افغانستان کی سپیشل فورسز، وزارت دفاع کے اداروں، تعلقات عامہ، مالی اور قانونی امور سے منسلک ہیں، افغانستان میں کابل کے سفیر، منپربت وہرہ نے افغان میڈیا کو بتایا کہ مذکورہ تربیتی پروگرام کا مقصد یہ ہے کہ افغان خواتین کو قیادت، جسمانی ورزش اور کمپیوٹر سے متعلق مہارت فراہم کی جائے، تاکہ وہ فوج میں اس کی اہمیت کو سمجھ سکیں۔
تفصیلات کے مطابق افغان خواتین پر مشتمل ایک فوجی دستہ پہلی دفعہ بھارت بھیجا گیا ہے، جہاں بھارتی فوج، چنائی کی ایک فوجی اکیڈمی میں انہیں تربیت دے گی، اس سے پہلے ہزاروں کی تعداد میں افغان مرد فوجی بھارت میں تربیت حاصل کر چکے ہیں، افغان وزارتِ دفاع کے ترجمان، دولت وزیری نے غیر ملکی میڈیا کو بتایا کہ کل 35 افغان فوجی خواتین تین ہفتوں پر محیط اس تربیتی کورس میں حصہ لین گی۔ انہوں نے کہا کہ ’’یہ خواتین انگریزی زبان سیکھنے اور کمپیوٹر کورسز میں بھی حصہ لیں گی،یہ پہلا موقع ہے کہ بھارتی فوج افغان خواتین فوجیوں کی تربیت کرے گی۔ خیال رہے کہ افغانستان اور بھارت کے مابین
بڑھتے ہوئے تعاون پر، پاکستان کئی بار تحفظات کا اظہار کر چکا ہے، پاکستان کا کہنا ہے کہ بھارت افغانستان کی سرزمین پاکستان کے خلاف استعمال کر رہا ہے

تازہ ترین خبریں

کالم / بلاگ