ہیڈلائنز


سنگاپور کی تاریخ میں پہلی بار ایک خاتون صدر منتخب

Written by | روزنامہ بشارت

پہلی ملائشین خاتون ہیں جو اس منصب پر فائز ہوئیں۔

سنگاپور کی آٹھویں صدر منتخب ہونے والی حلیمہ یعقوب پیشہ کے اعتبار سے وکیل ہیں اور ہمیشہ حجاب میں رہتی ہیں، اس سے قبل ان کو یہ اعزاز بھی حاصل ہے کہ وہ سال2013میں بھی پہلی خاتون اسپیکر پارلیمنٹ کے عہدہ پر بھی فائز رہ چکی ہیں۔

الیکشن ڈیپارٹمنٹ کی جانب سے نو منتخب صدر کی کامیابی کا باقاعدہ اعلان بدھ کے روز کیا جائے گا، حلیمہ یعقوب جمعرات کو اپنے عہدے کا چارج سنبھالیں گی۔

الیکشن ڈیپارٹمنٹ کا کہنا ہے کہ حلیمہ کی اہلیت کیلئے کمیونٹی کمیٹی نے تین سرٹیفکیٹ اور پی ای سی نے ایک سرٹیفکیٹ جاری کیاہے۔

علاوہ ازیں ان کے مد مقابل دو صدارتی امیدوار فریدخان62سالہ اور صالح67سالہ نے اعتراف کیا کہ ہمارے کاغذات مسترد ہوئے ہیں۔

دوسری جانب الیکشن ڈیپارٹمنٹ نے صدارتی الیکشن میں مسترد ہونے والے امیدواروں سے متعلق تفصیلات بتانے سے انکار کیا ہے تاہم اس کا یہ بھی کہنا ہے کہ مسترد کردہ کوئی بھی امیدوار انفرادی طور پر اپنی تفصیلات ظاہر کرسکتا ہے۔

 

تازہ ترین خبریں

کالم / بلاگ