ہیڈلائنز


راؤ انوار کو گرفتار نہ کرنے کا حکم

Written by | روزنامہ بشارت

سپریم کورٹ کے 3رکنی بینچ نے نقیب اللہ محسود قتل ازخودنوٹس کیس کی سماعت کی۔
آئی جی سندھ اے ڈی خواجہ نے عدالت کو ملزم کی لوکیشن ٹریس کرنے کی یقین دہانی کرائی،جس پر چیف جسٹس نے ریمارکس دیئے کہ اس کامطلب ابھی تک کچھ نہیں ہوا،لگتاہے راؤانوارکو ہمیں ہی پکڑناہوگا۔
سماعت کے دوران چیف جسٹس نے ایک خط کمرہ عدالت میں لہرایا اور کہا یہ راؤانوار کا خط ہے،جس میں وہ اپنے آپ کوبے گناہ اور موقعے پرموجود نہ ہونے کا کہتا ہے۔
چیف جسٹس نے کہا کہ  خط میں راؤ انوار نے  آزاد جے آئی ٹی بنانے کی بات بھی کی اس پیشکش پرکیا کرنا چاہیے،اس پر  اے ڈی خواجہ نے راؤ انوار کو صفائی کا موقع دینے کا مؤقف اختیار کیا۔
چیف جسٹس نے راؤ انوارکوگرفتارنہ کرنے کا حکم دیا اور کہا کہ راؤ انوار نے آئی ایس آئی ، آئی بی اور ایم آئی کو جے آئی ٹی میں شامل کرنے کی استدعا کی ہے ،خط کی تصدیق راؤ انوار ہی کرسکتے ہیں۔
چیف جسٹس نے راؤ انوار کو جمعے کو عدالت میں پیش ہونے کی ہدایت کی اور کہا راؤ انوارکوبھی انصاف ملنا چاہیے شہادت کے بغیرکسی کومجرم نہیں کہہ سکتے قومی اداروں پر بے یقینی یا مایوسی کا اظہارنہیں ہوناچاہے۔
عدالت نے سندھ اوراسلام آباد پولیس کو  راؤ انوار کو گرفتار نہ کرنے اورراؤانوارکی حفاظت کو یقینی بنانے کی ہدایت بھی دی اور کہا کہ  راؤانوارکے خط پرجے آئی ٹی بھی تشکیل دیں گے،تمام احکامات راؤانوار کی آمد سے مشروط ہوں گے۔

Partly cloudy

22°C

کراچی

Partly cloudy
Humidity: 95%
Wind: W at 17.70 km/h
Sunday 20°C / 31°C Sunny
Monday 22°C / 31°C Partly cloudy
Tuesday 19°C / 30°C Partly cloudy
Wednesday 21°C / 29°C Mostly cloudy
Thursday 21°C / 30°C Partly cloudy
Friday 21°C / 30°C Mostly sunny
Saturday 22°C / 28°C Partly cloudy

تازہ ترین خبریں

کالم / بلاگ