ہیڈلائنز


پروین رحمٰن قتل کیس میں عدالتی کمیشن کی تشکیل

Written by | روزنامہ بشارت

سماعت کے دوران عدالتِ عظمیٰ نے ایڈووکیٹ جنرل سندھ ضمیر گھمرو کو ذاتی حیثیت میں پیش ہو کر عدالت کو معاملےسے آگاہ کرنے کی ہدایت جاری کردی۔
سماعت کے دوران پروین رحمٰن کی بہن عقیلہ اسمٰعیل کے وکیل راحیل کامران نے عدالت میں اپنے دلائل دیتے ہوئے کہا کہ جن پولیس افسران نے تحقیقات کیں انہوں نے کیس کو بگاڑ دیا ہے۔
جسٹس گلزار احمد نے ریمارکس دیتے ہوئے کہا کہ ایسالگتاہے جیسے پولیس اپنی ناکامی چھپانے کی کوشش کررہی ہے۔
ایک سینیئر پولیس افسر نے بھی عدالت میں اس کیس کے بگڑ جانے کا اعتراف کرتے ہوئے بتایا کہ محکمہ ذمہ دار پولیس افسران کے خلاف کارروائی کر رہا ہے۔
جسٹس گلزار احمد نے کہا کہ ایک سماجی کارکن کا قتل ہوا ملزمان کو کیوں نہیں پکڑا گیا جس پر پولیس افسر نے بتایا کہ اس قتل میں ملوث تمام 5 ملزمان گرفتار کر لیے ہیں جن میں سے ایک ملزم نے اعتراف جرم کرلیا۔
جسٹس گلزار احمد نے ریمارکس دیتے ہوئے کہا کہ کیا پولیس کو تحقیقات کرنا نہیں آتیں اور کیا پولیس کا کام اب صرف اعتراف جرم پرچلتاہے جبکہ جسٹس عظمت سعید نے ریمارکس دیتے ہوئے کہا کہ جس نے پروین رحمٰن کے قتل کا اعتراف جرم کیا وہ ٹرائل کورٹ میں انکار کردے گا کیونکہ پولیس معاملے کی تہہ تک پہنچنے کی کوشش ہی نہیں کرتی۔
جسٹس گلزار احمد نے ریمارکس دیتے ہوئے کہا کہ سندھ پولیس کے افسران کو کس جگہ بھیجیں جہاں سے وہ تحقیقات کرنا سیکھ کر آئیں۔
جسٹس عظمت سعید نے کہا کہ ہائی پروفائل کیس ہے اس میں لاپرواہی کیسے ہوگئی، جن افسران نے کیس خراب کیا ان سے پوچھیں انہوں نے کس کے کہنے پر ایسا کیا۔
عدالتِ عظمیٰ نے پروین رحمٰن قتل کیس میں جوڈیشل کمیشن کی تشکیل حکم دیتے ہوئے کیس کی سماعت 2 ہفتوں کے لیے ملتوی کر دی گئی جس کی حتمی تاریخ کا اعلان بعد میں کیا جائے گا۔

Partly cloudy

22°C

کراچی

Partly cloudy
Humidity: 95%
Wind: W at 17.70 km/h
Sunday 20°C / 31°C Sunny
Monday 22°C / 31°C Partly cloudy
Tuesday 19°C / 30°C Partly cloudy
Wednesday 21°C / 29°C Mostly cloudy
Thursday 21°C / 30°C Partly cloudy
Friday 21°C / 30°C Mostly sunny
Saturday 22°C / 28°C Partly cloudy

تازہ ترین خبریں

کالم / بلاگ