ہیڈلائنز


فیصلہ عوام کو کرنا ہے کہ پنجاب کی میٹرو اور خیبر پختونخوا کے درخت چاہئیں یا مفت علاج؟

Written by | روزنامہ بشارت

پاکستان پیپلزپارٹی کے چیئرمین بلاول بھٹو زرداری نے کہا ہے کہ فیصلہ عوام کو کرنا ہے کہ پنجاب کی میٹرو اور خیبر پختونخوا کے درخت چاہئیں یا مفت علاج؟

سیہون میں امراض قلب کے اسپتال این آئی سی وی ڈی کی افتتاحی تقریب سے خطاب کرتے ہوئے بلاول بھٹو زرداری کا کہنا تھا کہ قلندر کی نگری پر دہشت گردی کے واقعے کو سانحہ سیہون کی جگہ سانحہ اسپتال بنا کر پیش کرنیوالوں کو شرم آنی چاہیے۔

انہوں نے وزیر اعلیٰ پنجاب شہباز شریف کو تنقید کا نشانہ بناتے ہوئے کہا کہ پنجاب میں اشتہارات کے علاوہ اور کہاں ترقی ہوئی ہے؟ اور سیاسی یتیموں کے ٹولے نے وزیروں، مشیروں اور پیٹ پرستوں کی بھرتی کے سوا کیا ہی کیا ہے؟

ان کا کہنا ہے کہ شوباز شریف نے لاہور میں نامکمل اسپتال کا افتتاح کیا لیکن اب اس نامکمل اسپتال کو پیپلزپارٹی مکمل کرے گی جب کہ فیصلہ عوام کو کرنا ہے کہ پنجاب کی میٹرو ویٹرو اور خیبرپختونخوا کے درخت ورخت چاہئیں یا مفت علاج؟

بلاول بھٹو نے کہا کہ میرے نانا اور میری والدہ نے اپنی زندگی ہمیشہ صحت کے شعبے میں صرف کی اور ہم نے بھی اپنی تمام تر توانائیاں لوگوں کو بہترین طبی سہولیات کی فراہمی پر صرف کیں۔

انہوں نے کہا کہ سندھ میں بہت کام ہونے کے باوجود آج بھی مسائل ہیں اور ان مسائل کے حل کے لیے ہماری نیت پر شک نہیں کیا جاسکتا جب کہ سندھ کی ترقی کے لیے اپنی کمٹمنٹ پر 100 فیصد قائم ہیں۔

Mostly clear

20°C

کراچی

Mostly clear
Humidity: 80%
Wind: W at 35.40 km/h
Thursday 14°C / 26°C Sunny
Friday 15°C / 26°C Sunny
Saturday 13°C / 25°C Sunny
Sunday 15°C / 25°C Sunny
Monday 18°C / 23°C Scattered thunderstorms
Tuesday 18°C / 20°C Mostly sunny
Wednesday 13°C / 21°C Sunny

تازہ ترین خبریں

کالم / بلاگ