ہیڈلائنز


عید میلاد النبی یکم دسمبر کو ہوگی

Written by | روزنامہ بشارت

کراچی: رویت ہلال کمیٹی کے چیئرمین مفتی منیب الرحمان نے ماہِ ربیع الاول کا چاند نظر آنے کا اعلان کردیا، یکم ربیع الاول کل بروزمنگل جبکہ عید میلاد النبی ﷺ یکم دسمبر بروز جمعہ مذہبی جوش و جذبے سے منائی جائے گی۔
تفصیلات کے مطابق ربیع الاول کا چاند دیکھنے کے لیے رویت ہلال کمیٹی کا مرکزی اجلاس محکمہ موسمیات یونیورسٹی روڈ جبکہ زونل کمیٹیوں کے اجلاس میں صوبائی دارالحکومتوں کے زونل دفاتر میں منعقد کیے گئے۔
اجلاس کے بعد میڈیا سے گفتگو کرتے ہوئے مفتی منیب الرحمان نے ربیع الاول کا چاند نظر آنے کا اعلان کرتے ہوئے کہا کہ ملک کے مختلف علاقوں سے شہادتیں موصول ہوئی اور کراچی میں بھی واضح طور پر چاند دیکھا گیا۔
قبل ازیں محکمہ موسمیات نے پیش گوئی کی تھی کہ چاند نظر آنے کے قوی امکانات ہیں کیونکہ آج مطلع بالکل صاف ہے، کراچی سمیت ساحلی پٹی پر واضح طور پر چاند نظر آنے کے واضح امکانات ہیں۔
ماہ ربیع الاول امت مسلمہ کے لیے خاص اہمیت کا حامل ہے کیونکہ اس مہینے نبی آخرالزماں ﷺ کی دنیا میں آمد ہوئی، پیغمبر اکرم صلی اللہ علیہ وآلہ وسلم پوری دنیا کے لئے عملی نمونہ بن کر آئے اور وہ ہر شعبے میں اس اوج کمال پر فائز ہیں کہ ان جیسا کوئی تھا اور نہ ہی قیامت تک آسکتا ہے۔

Partly cloudy

18°C

کراچی

Partly cloudy
Humidity: 98%
Wind: NW at 11.27 km/h
Wednesday 19°C / 28°C Sunny
Thursday 20°C / 28°C Partly cloudy
Friday 19°C / 27°C Partly cloudy
Saturday 20°C / 27°C Mostly sunny
Sunday 19°C / 30°C Sunny
Monday 21°C / 27°C Partly cloudy
Tuesday 17°C / 27°C Mostly sunny

تازہ ترین خبریں

کالم / بلاگ