ہیڈلائنز


انصارا لشریعہ کے دہشت گردی کے نیٹ ورک کو توڑ دیا گیاہے

Written by | روزنامہ بشارت

کراچی:سندھ رینجرز اور سی ٹی ڈی نے مشترکہ پریس بریفنگ کرتے ہوئے گزشتہ رات انصار الشریعہ کے دہشت گردوں کے ساتھ ہونے والے مقابلے کی تفصیلات فراہم کی‘ بتایا گیا ہے کہ انصارا لشریعہ کے دہشت گردی کے نیٹ ورک کو توڑ دیا گیاہے۔
تفصیلات کے مطابق آج بروز اتوار سندھ رینجرز کے کرنل فیصل اور انسدادِ دہشت گردی ڈیپارٹمنٹ کے ڈی آئی جی نے گزشتہ رات ہونے والے مقابلے پر صحافیوں کو تفصیلی بریفنگ دی۔
کرنل فیصل نے صحافیوں کو بتایا کہ انصارالشریعہ کی کراچی میں دہشت گردی کی صلاحیت تقریباً ختم ہوچکی ہے۔ روپوش دہشت گردوں کی تلاش کے لیے انتھک کوششیں جاری ہیں‘ امید ہے مفرور دہشت گرد بھی گرفت میں ہوں گے۔
صحافیوں سے گفتگو کرتے ہوئے کرنل فیصل کا کہنا تھا کہ ایک بڑی کامیابی دو ستمبر کو ملی تھی‘ دوسری گزشتہ رات ملی جب انصار الشریعہ کی موجود گی کی اطلاع پر کارروائی کی گئی‘ آپریشن میں 8دہشت گرد ہلاک ہوئے۔
ان کا کہنا تھا کہ انصارالشریعہ گروہ دہشت گردی سےکراچی کا امن تباہ کرناچاہتاتھا‘ ابتدائی معلومات کے مطابق ان کے ٹھکانوں پر چھاپےماررہےہیں
انہوں نے بتایا کہ ایم کیو ایم کے رہنما خواجہ اظہار الحسن پر حملے میں ملوث دہشت گرد عبدالکریم سروش کے گھر سے اہم شواہد ملے‘انصارالشریعہ 12سے15تعلیم یافتہ دہشت گرد افراد پرمشتمل گروہ تھا‘ جن میں 8 سے 10 ٹارگٹ کلرز شامل تھے۔
انصارِ الشریعہ کے ماسٹر مائنڈ کی ہلاکت
ہلاک ہونے والے دہشت گردوں میں ڈاکٹر عبداللہ ہاشمی العمروف شہریار الوارثی اور ارسلان بیگ شامل ہیں۔ ڈاکٹر عبداللہ ہاشمی گروہ کا سرغنہ اور ماسٹر مائنڈ ہے ۔ دونوں دہشت گردوں نے افغانستان سے دہشت گردی کی تربیت لے رکھی تھی۔ گروہ کے لیے حسان نامی ایک ملزم ریکی کا کام انجام دیا کرتا تھا۔
مقابلے میں ہلاک ہونے والا ملزم ارسلان بیگ دہشت گردی کے لیے فنڈ بھی اکھٹے کیا کرتا تھا جبکہ اسی مقابلے میں ہلاک ہونے والا ایک اور ملزم نہار الحق بھی ٹارگٹ کلنگ میں ملوث،فنڈ اکٹھے کرتا تھا۔ گروہ میں سعدجمال،حسان ہارون،کامران،طلحہ انصار،ابو بکر بھی گروہ میں شامل تھے جو کہ مقابلے میں ہلاک ہوئے۔
کرنل فیصل کے مطابق گروہ میں شامل دانش رشید، جنید رشید ، سروش اور مزمل تا حال مفرور ہیں ‘ جن میں سے دانش رشید ٹارگٹ کلنگ ٹیم کا اہم رکن ہے۔
انصارِ الشریعہ کی دہشت گرد کارروائیاں
انصار الشریعہ کی جانب سے کی گئی وارداتوں پر بھی بریفنگ دی گئی جس میں بتایا گیا کہ انصارالشریعہ نےگلستان جوہرمیں پولیس اہلکارکوقتل کرکےکارروائیوں کاآغا کیا۔ اس گروہ نے القاعدہ سے الحاق کا اعلان بھی کیا تھا۔
مذکورہ گرو ہ نے 21مئی2017کو 3پولیس اہلکاروں کوشہید کیا‘ گروہ کے ملزمان نے 12اگست کو کراچی میں 2پولیس اہلکاروں کو شہید کیا۔ملزمان نے28اگست کوگلستان جوہر میں ایف بی آر گارڈز کو بھی شہید کیا۔ اسی گروہ نے سائٹ ایریامیں بھی 4پولیس اہلکاروں کو شہید کیاتھا جبکہ عزیز آباد میں ٹریفک پولیس کے ڈی ایس پی کو بھی نشانہ بنایا ۔
پریس بریفنگ میں بتایا گیا کہ مقابلے میں ہلاک ہونے والے دہشت گردوں سےملنےوالےہتھیارماضی کی کارروائیوں سےمماثلت رکھتےہیں ۔ ملزمان موٹرسائیکل پرریکارڈنگ ڈیوائس لگا کر ریکی کرتے تھے۔ انہوں نے اتوار بازار‘ الہٰ دین پارک اور پولیس کی چوکیوں پر حملے کی بھی ریکی کررکھی تھی۔پولیس ہیڈکوارٹر اور کچھ اوراہم مقامات بھی دہشت گردوں کی ٹارگٹ لسٹ میں شامل تھے۔
انہوں نے یہ بھی بتایا کہ دورانِ تفتیش کسی تعلیمی ادارے سے دہشت گردسرگرمی کےشواہدنہیں ملے‘ والدین سے درخواست ہے کہ بچوں کی سرگرمیوں پر نظر رکھیں۔ دہشت گرد اپنے مقاصد کے حصول کے لیے جہاد کی غلط تشریح بیان کرتے ہیں۔

Sunny

17°C

کراچی

Sunny
Humidity: 43%
Wind: NNE at 17.70 km/h
Friday 16°C / 27°C Sunny
Saturday 16°C / 27°C Sunny
Sunday 18°C / 30°C Sunny
Monday 18°C / 29°C Sunny
Tuesday 17°C / 27°C Mostly sunny
Wednesday 17°C / 28°C Sunny
Thursday 18°C / 28°C Sunny

تازہ ترین خبریں

کالم / بلاگ