ہیڈلائنز


بلدیہ عظمیٰ اور بحریہ ٹاؤن نے شہر میں مشترکہ صفائی مہم

Written by | روزنامہ بشارت

چیئرمین بحریہ ٹاؤن ملک ریاض اورمیئر وسیم اخترکے درمیان کلین کراچی معاہدے پردستخط ہوئے۔ اس موقع پر وسیم اختر نے کہا کہ کراچی دنیا کا دوسرا یا تیسرا سب سے بڑا شہر ہے لیکن یہاں سب کچھ تباہ ہوچکا ہے، کوئی چیز درست نہیں، سیوریج سسٹم خراب ہے اور لوگوں کو پینے کا صاف پانی تک میسر نہیں، جب کہ کے ایم سی کے پاس نا تو وسائل ہیں اور نہ پیسے، جن کو لوگ چندہ دیتے ہیں وہ کے ایم سی کو فنڈز دے رہے ہیں، سندھ حکومت ہمارے ساتھ تعاون کرے، ہم مل جل کر کام کرتے ہیں۔

 

میئر کراچی نے مزید کہا کہ کراچی میں روزانہ 13ہزار ٹن کچرا پیدا ہورہا ہے، آج ہم ملک ریاض کے ساتھ ایم او یو دستخط کرنے جا رہے ہیں، آج کے دن کو خوش آئند سمجھتاہوں۔ بحریہ ٹاؤن کے رضاکار کے ایم سی کے عملے کے ساتھ مل کر شہر سے کچرا اٹھائیں گے، ابتدائی طور پر اس کا آغاز ضلع وسطی سے ہوگا جس کے بعد اس کے دائرہ کار کو بڑھایا جائے گا۔

بحریہ ٹاؤن کی جانب سے سرکاری اسپتال کا انتظام سنبھالنے سے متعلق میئر کا کہنا تھا کراچی کے 13 اسپتالوں کی حالت بہتر نہیں ہے، جلد فیصلہ کرلیں گے کہ کون سا اسپتال ان کے حوالے کیا جائے۔

چیئرمین بحریہ ٹاؤن ملک ریاض نے کہا کہ ہمارے رضا کار روزانہ 12 ہزار ٹن کچرا صاف کریں گے اور بحریہ ٹاؤن کی جانب سے 10 ارب روپے تک کی معاونت کی جائے گی۔ انہوں نے مزید کہا کہ ہم کسی پر احسان نہیں کر رہے،اللہ نے جو ہمیں دیا،اللہ کی امانت ہے عوام کی امانت ہے جسے شہر میں لگانے جا رہے ہیں، آصف زرداری نے کہا کہ میئر کراچی جو کام کہتے ہیں ان کے ساتھ کریں، بحریہ ٹاون کلین کراچی چیلنج کو پورا کرے گا۔

واضح رہے کہ اس سے پہلے مارچ میں بھی بحریہ ٹاون نے ضلع وسطی میں 18 روزہ صفائی مہم چلائی تھی۔

 

Mostly clear

21°C

کراچی

Mostly clear
Humidity: 90%
Wind: W at 22.53 km/h
Sunday 18°C / 31°C Mostly sunny
Monday 21°C / 31°C Mostly cloudy
Tuesday 19°C / 30°C Partly cloudy
Wednesday 20°C / 29°C Mostly cloudy
Thursday 21°C / 31°C Mostly cloudy
Friday 21°C / 29°C Sunny
Saturday 22°C / 30°C Sunny

تازہ ترین خبریں

کالم / بلاگ