ہیڈلائنز


لاہور میں متحدہ اپوزیشن کا احتجاج، طاہرالقادری جلسہ گاہ پہنچ گئے

Written by | روزنامہ بشارت

لاہور: سانحہ ماڈل ٹاؤن پر متحدہ اپوزیشن کا احتجاجی جلسہ شروع ہوچکا ہے اور عوامی تحریک کے سربراہ طاہرالقادری بھی جلسہ گاہ پہنچ چکے ہیں۔

پاکستان عوامی تحریک کی زیر قیادت متحدہ اپوزیشن کے جلسے میں پیپلزپارٹی کے رہنما خورشید شاہ، قمر زمان کائرہ، اعتزاز احسن، لطیف کھوسہ، راجہ پرویز اشرف، نیئر بخاری اور  منظور وٹو سمیت دیگر رہنما شریک ہیں جب کہ پیپلزپارٹی کے شریک چیئرمین آصف زرداری بھی کچھ دیر بعد جلسہ گاہ پہنچیں گے۔

تحریک انصاف کی فردوس عاشق اعوان سمیت دیگر پارٹی رہنما اسٹیج پر پہنچ چکے ہیں۔

پی ٹی آئی کے چیئرمین عمران خان بھی جلسے سے خطاب کریں گے اور کچھ دیر میں جلسہ گاہ پہنچیں گے۔

متحدہ اپوزیشن کے احتجاج میں عوامی تحریک، پیپلزپارٹی اور  تحریک انصاف کے کارکنان بڑی تعداد میں شریک ہیں۔

جلسے کے لیے پنجاب اسمبلی کے سامنے کنٹینر پر اسٹیج لگا گیا ہے، کارکنان کے لیے کرسیاں اور  لائٹیں لگائی گئی ہیں۔

جلسے کے لیے مال روڈ کے دونوں اطراف لائٹس کا بھی بندوبست کیا گیا ہے جب کہ احتجاج کے باعث مال روڈ سے ملحقہ سڑکوں پر ٹریفک کا شدید دباؤ ہے۔

شاہراہ فاطمہ جناح،کچہری روڈ، ہال روڈ، کوپر روڈ، بوڑھ والا چوک اور ایجرٹن روڈ پر بھی ٹریفک کی روانی متاثر ہے۔

پاکستان عوامی تحریک کے سربراہ ڈاکٹر طاہر القادری نے اعلان کیا ہےکہ وہ جلسے میں آئندہ کا لائحہ عمل دیں گے۔

جب کہ پی ٹی آئی کے فواد چوہدری نے کہا ہےکہ شہبازشریف کے استعفے تک احتجاج جاری رہے گا۔

متحدہ اپوزیشن کے جلسے سے آصف علی زرداری کا خطاب دوپہر اور عمران کا خطاب مغرب کے قریب متوقع ہے۔

 

Rain

18°C

لاہور

Rain
Humidity: 74%
Wind: NE at 17.70 km/h
Sunday 12°C / 23°C Sunny
Monday 12°C / 25°C Partly cloudy
Tuesday 15°C / 27°C Partly cloudy
Wednesday 14°C / 28°C Partly cloudy
Thursday 16°C / 26°C Partly cloudy
Friday 15°C / 25°C Partly cloudy
Saturday 13°C / 25°C Mostly sunny

تازہ ترین خبریں

کالم / بلاگ