ہیڈلائنز


ایک جج پر مشتمل ماڈل ٹاؤن کی انکوائری رپورٹ نقائص سے بھرپور ہے، رانا ثناء اللہ

Written by | روزنامہ بشارت

وزیر قانون رانا ثناء اللہ نے کہا ہے کہ سانحہ ماڈل ٹاؤن کی انکوائری رپورٹ نقائص سے بھرپور ہے اور اس میں کسی حکومتی شخصیت کا نام نہیں ہے۔

لاہور میں پریس کانفرنس کرتے ہوئے رانا ثناء اللہ نے کہا کہ عدالت نے 30 روز میں ماڈل ٹاؤن رپورٹ کو منظر عام پر لانے کی ہدایت کی ہے۔ ان کا کہنا تھا کہ پنجاب حکومت میرٹ اور قانون کی حکمرانی پر یقین رکھتی ہے اور  ماڈل ٹاؤن کی رپورٹ قانون کی حکمرانی کی وجہ سے ہی منظر عام پر نہیں لائی گئی تھی۔

رانا ثناء اللہ نے کہا کہ ایک جج پر مشتمل ماڈل ٹاؤن کی انکوائری رپورٹ نقائص سے بھرپور ہے اور اس رپورٹ میں جن شہادتوں پر انحصار کیا گیا ہے وہ غیر متعلقہ ہے۔ 

انہوں نے کہا کہ پنڈی میں بیٹھے ہمارے مخالف شیطان نے رپورٹ سے متعلق طوفان کھڑا کر رکھا تھا لیکن واضح طور پر کہتا ہوں کہ اس رپورٹ میں کسی حکومتی شخص کو ذمہ دار نہیں ٹھہرایا گیا۔

انہوں نے کہا کہ اس کے علاوہ رپورٹ میں موقع پر موجود کسی پولیس اہلکار کو بھی ذمہ دار نہیں ٹھہرایا گیا۔ اس رپورٹ میں ایک لفظ نہیں جس میں وزیر اعلیی پنجاب کو ذمہ دار ٹھہرایا گیا ہو۔

Clear

8°C

لاہور

Clear
Humidity: 95%
Wind: N at 11.27 km/h
Thursday 7°C / 18°C Mostly sunny
Friday 6°C / 18°C Sunny
Saturday 6°C / 17°C Sunny
Sunday 5°C / 19°C Sunny
Monday 6°C / 21°C Partly cloudy
Tuesday 5°C / 17°C Sunny
Wednesday 8°C / 17°C Sunny

تازہ ترین خبریں

کالم / بلاگ