ہیڈلائنز


اپنی زمین پر مبینہ قبضے کے خلاف احتجاج کرنے والے بزرگ جوڑے سے پولیس کا انسانیت سوز سلوک

Written by | روزنامہ بشارت

ملتان :  ناردرن بائی پاس کی رہائشی 75 سالہ نسیم بی بی اپنے شوہر کے ہمراہ صبح سے ملتان ڈویلپمنٹ اتھارٹی کے دفتر کے باہر اپنی زمین پر مبینہ قبضے کے خلاف ایک بینر اٹھائے احتجاج کررہے تھے.
بزرگ خاتون کے احتجاج سے تنگ ایم ڈی اے اہلکاروں نے پہلے بزرگ خاتون سے بینرز چھین کر پھاڑ دیئے اور احتجاج ختم کرنے کے لیے دباؤ ڈالا تاہم بزرگ جوڑے کے انکار پر پولیس طلب کر لی گئ.
دوسری جانب پولیس جو چوری ڈکیتی کی وارداتوں پر گھنٹوں غائب رہتی ہے لیکن بزرگ جوڑے کو احتجاج سے روکنے کے لیے فوری طور پہچنی اور ایس ایچ او غلام مصطفی نے لیڈی پولیس اہلکاروں کے ہمراہ بزرگ جوڑے کو سڑک پر گھسیٹ کر پولیس موبائل میں اپنے قدموں میں ملزمان کی طرح بٹھا لیا.
تھانے لے جانے کے دوران پولیس موبائل مین ہی بزرگ جوڑے پر تشدد کرتے رہے اور انہیں جوتوں سے پیٹتے رہے جب کہ بزرگ خاتون دہائی دیتی رہیں کہ چند سرکاری اہلکار ان کی زمین پر قبضہ کرنا چاہتے ہیں جس کے خلاف مختلف سرکاری محکموں کے دھکے کھا کر آج پر امن احتجاج پر مجبور ہوئے تھے.
تاہم پولیس اہلکار بزرگ جوڑے کی دہائی سننے کے بجائے انہیں مسلسل تشدد کا نشانہ بناتے رہے اور جب معاملہ میڈیا تک پہنچا تو پولیس کے اعلیٰ افسران غفلت کی نیند سے جاگے اور آر پی او ملتان ادریس احمد اور سی پی او ملتان نے نوٹس لیتے ہوئے تشدد میں ملوث ایس ایچ او سمیت تمام اہلکاروں کو معطل کر کے انکوائری کمیٹی تشکیل دے دی.

Partly cloudy

13°C

لاہور

Partly cloudy
Humidity: 71%
Wind: N at 11.27 km/h
Saturday 14°C / 20°C Scattered thunderstorms
Sunday 12°C / 23°C Sunny
Monday 12°C / 26°C Partly cloudy
Tuesday 14°C / 27°C Mostly cloudy
Wednesday 13°C / 27°C Partly cloudy
Thursday 16°C / 26°C Mostly cloudy
Friday 16°C / 23°C Scattered thunderstorms

تازہ ترین خبریں

کالم / بلاگ