ہیڈلائنز


قندیل بلوچ قتل کیس: مفتی عبدالقوی کو گرفتار کرلیا گیا، پولیس

Written by | روزنامہ بشارت

ملتان: پولیس نے قندیل بلوچ قتل کیس میں مفتی عبدالقوی کی درخواست ضمانت خارج ہونے کے بعد انہیں گرفتار کرلیا۔

آج ملتان کی ڈسٹرکٹ اینڈ سیشن عدالت کے جج چوہدری امیر محمد کی عدالت میں قندیل بلوچ قتل کیس کی سماعت ہوئی۔ 

اس موقع پر فریقین نے اپنے دلائل مکمل کرلئے جس کے بعد عدالت نے قرار دیا کہ ملزم مفتی عبدالقوی کے خلاف دفعہ 302 اور 109 کے تحت کارروائی ہوگی۔

عدالت نے ملزم کی درخواست ضمانت خارج کی تو اس سے قبل ہی مفتی عبدالقوی احاطے عدالت سے چلے گئے جب کہ عدالت نے ملزم کی گرفتاری کا حکم دیا۔

عدالتی احکامات کے بعد پولیس کے سادہ لباس اہلکار مفتی عبدالقوی کی گرفتاری کے لیے ان کے گھر پہنچے جہاں اہلکاروں نے گھر سے ملحقہ مدرسے کی بھی تلاشی لی تاہم مفتی عبدالقوی وہاں موجود نہیں تھے۔

 

عدالتی احکامات کے بعد پولیس نے مفتی عبدالقوی کی گرفتاری کے لیے کارروائی کیں اور انہیں گرفتار کرلیا گیا۔

 

ایس پی ملتان کینٹ ڈاکٹر فہد نے بتایا کہ مفتی عبدالقوی کی گرفتاری جھنگ جاتے ہوئے ہائی وے پر عمل میں لائی گئی اور انہیں ہائی وے پولیس کی مدد سے گرفتار کیا گیا ہے۔

 

پولیس حکام کے مطابق مفتی عبدالقوی کو اب ملتان منتقل کیا جائے گا جہاں کیس کے مطابق کارروائی عمل میں لائی جائے گی۔

 

خیال رہے کہ قندیل بلوچ قتل کیس کے ملزم مفتی عبدالقوی نے عبوری ضمانت حاصل کر رکھی تھی۔

 

گزشتہ برس جولائی میں قندیل بلوچ کو مبینہ طور پر ان کے بھائی وسیم نے غیرت کے نام پر قتل کیا تھا جبکہ مقدمے میں مقتولہ کا کزن حق نواز بھی شامل تھا اور یہ دونوں ملزمان اس وقت ملتان جیل میں ہیں۔

 

Partly cloudy

25°C

لاہور

Partly cloudy
Humidity: 41%
Wind: NW at 11.27 km/h
Wednesday 14°C / 26°C Mostly sunny
Thursday 12°C / 26°C Partly cloudy
Friday 12°C / 25°C Mostly cloudy
Saturday 13°C / 18°C Mostly cloudy
Sunday 12°C / 25°C Partly cloudy
Monday 13°C / 24°C Partly cloudy
Tuesday 14°C / 24°C Mostly cloudy

تازہ ترین خبریں

کالم / بلاگ