ہیڈلائنز


بھٹو صرف بات نہیں کرتے جان بھی دیتے ہیں

Written by | روزنامہ بشارت

کاغان : چیئرمین پیپلزپارٹی بلاول بھٹو کا کہنا ہے کہ بہت سے سیاست دان غریبوں اور عوام کی باتیں کرتے ہیں بھٹو صرف بات نہیں کرتے جان بھی دیتے ہیں۔
تفصیلات کے مطابق خیبرپختونخواہ کے علاقے کاغان میں پیپلزپارٹی کے چیئرمین بلاول بھٹو زرداری نے کارکنوں سے خطاب کرتے ہوئے کہا کہ پیپلزپارٹی نے اس ملک کو آئین دیا ،ایٹمی طاقت بنایا۔
بلاول بھٹو زرداری نے کہا کہ روٹی کپڑا اورمکان کا نعرہ ہی نہیں بینظیرانکم سپورٹ سے خدمت بھی کی۔ انہوں نے کہا کہ اللہ نے پھر موقع دیا تو پھر سےآپ کی خدمت کریں گے۔
چیئرمین پیپلزپارٹی کا کہنا تھا کہ بھٹو صرف بات نہیں کرتے جان بھی دیتے ہیں شہید ذوالفقار بھٹو،شہید بینظیر بھٹونے آپ کےلیے جان دی۔
یاد رہے کہ گزشتہ روز مانسہرہ میں جلسہ عام سے خطاب کرتے ہوئے بلاول بھٹو کا کہنا تھا کہ عمران خان صاحب خود کہتے ہیں لیڈر کو صادق اور امین ہونا چاہیے مگر جب یہ خطاب کرتے ہیں تو عوام سے نیا جھوٹ بولتے ہیں۔
بلاول بھٹو کا ایک بار پھرکہنا تھا کہ عوام سمجھ چکے ہیں کہ تحریک انصاف اور عمران خان نے انہیں صرف استعمال کیا، 2018 میرا پہلا الیکشن اورعمران خان کا آخری الیکشن ہوگا۔
واضح رہے کہ چیئرمین پیپلز پارٹی کا کہنا تھا کہ ایک طرف نواز شریف اپنے آپ کو مظلوم ثابت کرنے کے لیے عوام کو سڑکوں پر لارہے ہیں تو عمران خان آئین میں ترمیم کے خلاف عوام کو سڑک پر لانے کا عندیہ دے چکےہیں۔

Sunny

24°C

پشاور

Sunny
Humidity: 73%
Wind: W at 6.44 km/h
Saturday 22°C / 34°C Sunny
Sunday 22°C / 34°C Sunny
Monday 22°C / 35°C Sunny
Tuesday 22°C / 35°C Sunny
Wednesday 23°C / 35°C Sunny
Thursday 23°C / 33°C Sunny
Friday 22°C / 33°C Sunny

تازہ ترین خبریں

کالم / بلاگ