ہیڈلائنز

Reporter HA

Write on ھفتہ, 23 ستمبر 2017

پی ایس ایل کے آئیڈیے کا مقصد  ملک میں انٹرنیشنل کرکٹ کی بحالی اور بہتر کرکٹرز کو سامنے لانا تھا، لیگ اپنے مقصد میں کامیاب نظر آتی ہے۔ اس کی وجہ سے باصلاحیت کرکٹز سامنے آئے اور انھوں نے چیمپئنز ٹرافی میں پاکستان کی فتح سے ہمکنار کرانے میں اہم کردارادا کیا،  اسی کے بعد ورلڈ الیون نے بھی پاکستان کا رخ کیا، وسیم اکرم نے کہا کہ  پاکستان میں ٹیلنٹ کی کمی نہیں، جنوبی پنجاب میں  باصلاحیت کرکٹرز کو دیکھ کردنگ رہ گیا، ایک سوال کے جواب میں انھوں نے کہاکہ  قومی کرکٹرزاپنے طور پر بھرپورمحنت کر رہے ہیں۔

پی ایس ایل میں میں اور وقار یونس فاسٹ بولنگ میں اپنی  مہارتوں سے  کھلاڑیوں کو روشناس کرائیں گے اوران کو رموزسیکھائیں گے، قوی امید ہے کہ ہر فرنچائز میں شامل کیے  جانے والے  ایمرجنگ پلیئرز مستقبل  کے بہترین کرکٹرز میں شامل ہوں گے۔

 

Write on ھفتہ, 23 ستمبر 2017

میساچیوسٹس انسٹی ٹیوٹ آف ٹیکنالوجی (ایم آئی ٹی) کے ماہرین نے تھری ڈی پرنٹنگ ٹیکنالوجی استعمال کرتے ہوئے خردبینی جسامت والی کھوکھلی گولیوں (pods) میں دوا بند کرنے کا اچھوتا طریقہ وضع کرلیا ہے۔ اس کے تحت صرف ایک انجکشن کے ذریعے درجنوں دوائیں بہ یک وقت کسی بھی شخص کے جسم میں پہنچائی جاسکیں گی۔

 

یہی نہیں بلکہ جسم میں پہنچ جانے کے بعد دواؤں سے بھری یہ گولیاں بتدریج گھل کر ختم ہوں گی اور ان سے تھوڑی تھوڑی مقدار میں دوائیں خارج ہوتی رہیں گی۔ اس کا مطلب یہ ہوا کہ اگر ان گولیوں میں ویکسین بھری ہو تو وہ بھی ایک طویل عرصے تک بتدریج خارج ہوتی رہے گی اور یوں صرف ایک بار ویکسین دینا ہی کافی رہے گا۔

ہفت روزہ تحقیقی جریدے ’’سائنس‘‘ میں شائع شدہ رپورٹ کے مطابق، ایم آئی ٹی میں ماہرین کی ٹیم نے ’’پی ایل جی اے‘‘ (PLGA) نامی پولیمر استعمال کرتے ہوئے 400 مائیکرومیٹر چوڑی یہ کھوکھلی گولیاں تیار کی ہیں جبکہ ایسی ہر گولی کے اندر نہایت معمولی مقدار میں دوا بھری جاسکتی ہے۔

واضح رہے کہ ’’پی ایل جی اے‘‘ ایک حیاتی تنزل پذیر پولیمر ہے یعنی یہ جسم کے اندرونی ماحول میں آہستہ آہستہ گھل کر ختم ہوجاتا ہے جبکہ یہ انسانوں اور دوسرے جانداروں کےلیے بالکل محفوظ بھی ہے۔

 

اس تحقیق کےلیے ’’گیٹس اینڈ میلنڈا فاؤنڈیشن‘‘ نے رقم فراہم کی تھی جس کا مقصد غریب ممالک میں بچوں کو کم خرچ اور پائیدار انداز میں ویکسین دینے کا کوئی طریقہ وضع کرنا تھا۔ اس طریقے پر پولیمر کی بڑی مقداریں بھی باکفایت انداز میں صنعتی پیمانے پر بھی تیار کی جاسکتی ہیں۔

امید ہے کہ اس پولیمر کی طبّی آزمائشیں جلد ہی شروع کردی جائیں گی اور متوقع طور پر آئندہ پانچ سے چھ سال کے دوران یہ ترقی پذیر اور غریب ممالک میں استفادہ عام کےلیے دستیاب ہوجائے گا۔

 

 

Write on ھفتہ, 23 ستمبر 2017

پاک بحریہ کے مطابق شمالی بحیرہ عرب میں فائر پاور کے مظاہرے کے دوران پاکستان نیوی کے سی کنگ ہیلی کاپٹر نے فضا سے سطح آب میں مار کرنے والے اینٹی شپ میزائل فائر کیا، کھلے سمندر میں فائر کئے گئے میزائل نے اپنے ہدف کو پوری کامیابی کے ساتھ نشانہ بنایا، اس موقع پر چیف آف دی نیول اسٹاف ایڈمرل محمد ذکااللہ بھی موجود تھے۔

ایڈمرل ذکا اللہ کا کہنا تھا کہ پاکستان نیوی فلیٹ کی جنگی تیاریوں پر فخر ہے اور پاک بحریہ کے ہیلی کاپٹر سی کنگ سے کامیاب فائرنگ پاکستان نیوی فلیٹ کی جنگی تیاری اور پیشہ وارانہ صلاحیتوں کا واضح ثبوت ہے۔ ان کا کہنا تھا کہ بحری مشقوں میں شامل افسران اور جوانوں کی پیشہ وارانہ صلاحیتیں قابل ستائش ہیں پاک بحریہ وطن عزیز کی بحری سرحدوں اور مفادات کا ہرقیمت پر تحفظ کرے گی۔

 

Write on ھفتہ, 23 ستمبر 2017

سابق وزیراعظم نواز شریف کے بعد وفاقی وزیر خارجہ خواجہ آصف بھی مشکل میں پھنس گئے، پی ٹی آئی کے رہنما عثمان ڈار نے اقامہ ظاہر نہ کرنے پر خواجہ آصف کے خلاف عدالت میں نااہلی کی درخواست دائر کر رکھی تھی اور اب ہائیکورٹ نے عثمان ڈار کی درخواست سماعت کے لیے مقرر کرلی ہے۔

پاکستان تحریک انصاف کی درخواست پر خواجہ آصف کی نااہلی کا کیس  ہائیکورٹ میں سماعت  کے لیے مقرر کردیا گیا، جب کہ سماعت کے لیے 3 رکنی لارجزبینچ بھی تشکیل دے دیا گیا، لارجر بینچ میں جسٹس عامر فاروق، جسٹس محسن اختر کیانی اور جسٹس حسن اورنگزیب شامل ہیں ،3 رکنی لارجر بینچ کیس کی سماعت 26 ستمبر سے کرےگا۔

درخواستگزار نے موقف اختیار کیا ہے کہ خواجہ آصف اور نواز شریف دونوں نے عدالت سے اقامے کی تفصیلات چھپائی تھیں ، خواجہ آصف سابق وزیر اعظم نواز شریف کی طرح منی لانڈرنگ میں ملوث ہیں ، لہٰذا ان کی نااہلی بھی یقینی ہے۔

Write on ھفتہ, 23 ستمبر 2017

بین الاقوامی میڈیا رپورٹوں کے مطابق چین نے اقوام متحدہ کی طرف سے نافذالعمل پابندیوں کے تحت شمالی کوریا سے تجارت کو نہ صرف محدود کردیا ہے بلکہ پیانگ یانگ کو ایندھن کی فراہمی سمیت پیٹرولیم مصنوعات کی برآمدات روکنے کا فیصلہ بھی کرلیا ہے۔

چین کے وزیر تجارت نے اپنے بیان میں کہا ہے کہ بیجنگ یکم اکتوبر سے  پیانگ یانگ کو پیٹرولیم مصنوعات کی برآمد پرپابندی عائد کر دے گا جب کہ مائع قدرتی گیس (ایل این جی) کی فراہمی بھی فوری طور پر معطل کی جارہی ہے۔ اس کے ساتھ ساتھ شمالی کوریا سے ٹیکسٹائل مصنوعات درآمد نہ کرنے کا فیصلہ بھی کیا گیا ہے۔

ٹیکسٹائل مصنوعات اقوامِ متحدہ کی پابندیوں سے متاثر ہونے والی آخری اہم شمالی کوریائی برآمدات میں شامل ہے جبکہ چین پہلے ہی شمالی کوریا سے خام لوہا، سمندری غذا اور کوئلے سمیت دیگر مصنوعات  کی خریداری معطل کرچکا ہے۔

واضح رہے کہ اقوام متحدہ کی سلامتی کونسل نے گزشتہ ہفتے متفقہ طور پر شمالی کوریا کے خلاف نئی پابندیاں عائد کرنے کی منظوری دی تھی جس کے تحت شمالی کوریا کو تیل کی برآمدات کو محدود کیا گیا ہے جبکہ ٹیکسٹائل مصنوعات کی برآمدات پر پابندی لگائی گئی ہے۔

خیال رہے کہ شمالی کوریا پر پہلے سے ہی اقوام متحدہ کی جانب سے اقتصادی پابندیاں عائد ہیں تاکہ جوہری پروگرام پر پیش رفت روکنے کےلیے اس پر عالمی دباؤ بڑھایا جاسکے۔

Write on ھفتہ, 23 ستمبر 2017

لندن میں محکمہ ٹرانسپورٹ ٹی ایف ایل نے اوبر کے لائسنس کی تجدید نہ کرنے کا فیصلہ کیا ہے۔ ٹی ایف ایل نے کہا کہ اوبر اس قابل نہیں کہ اسے پرائیوٹ ٹیکسی ہائرنگ لائسنس جاری کیا جائے جب کہ یہ فیصلہ عوامی حفاظت اور سیکیورٹی مضمرات کے پہلو سے کیا گیا ہے۔

دوسری جانب اوبر نے فیصلے کے خلاف اپیل کرنے کا اعلان کرتے ہوئے کہا کہ محکمہ ٹرانسپورٹ کے اس فیصلے سے یہ پتہ چلتا ہے کہ لندن میں جدید کمپنیوں کے لیے کوئی جگہ نہیں اور دنیا ابھی بہت تنگ نظر ہے۔ لندن محکمہ ٹرانسپورٹ کو اوبر پر کافی تحفظات ہیں جن میں کمپنی کی جانب سے ڈرائیورز کی چھان پھٹک اور سنگین جرائم کی اطلاع دینے کا غیر اطمینان  بخش رویہ شامل ہے۔

اوبر کے موجودہ لائسنس کی مدت 30 ستمبر ہے اور اس کے پاس محکمہ ٹرانسپورٹ کے فیصلے کے خلاف اپیل کے لیے 21 دن ہیں۔ واضح رہے کہ لندن میں 35 لاکھ مسافر اوبر استعمال کرتے ہیں اور ڈرائیورز کی تعداد 40 ہزار ہے جس کا مطلب ہے کہ پابندی لگنے سے تقریبا 36 لاکھ افراد متاثر ہوں گے۔ لندن کے میئر صادق خان نے اوبر کے لائسنس کی تجدید نہ کرنے کے فیصلے کی مکمل تائید کرتے ہوئے کہا کہ اوبر سے لندن کے شہریوں کی جان و مال کو ممکنہ طور پر خطرات لاحق ہیں۔

 

Write on ھفتہ, 23 ستمبر 2017

پاکستان عوامی تحریک نے سانحہ ماڈل ٹاؤن جوڈیشل رپورٹ عام نہ کرنے پروزیراعلیٰ پنجاب، چیف سیکریٹری کے خلاف توہین عدالت کی درخواست دائر کردی۔

پاکستان عوامی تحریک نے سیکریٹری داخلہ پنجاب کے خلاف بھی درخواست دائر کی ہے جس میں موقف اختیار کیا گیا ہے کہ سیکریٹری داخلہ نے عدالتی حکم کی تعمیل نہیں کی۔

درخواست میں پاکستان عوامی تحریک کی جانب سے استدعا کی گئی ہے کہ رپورٹ عام نہ کرنے پر توہین عدالت کی کارروائی کی جائے۔

سانحہ ماڈل ٹاؤن کی رپورٹ پبلک کرنے کے فیصلے کے خلاف پنجاب حکومت کی جانب سے انٹراکورٹ اپیل دائر کی ہے جس میں موقف اختیار کیا گیا ہے کہ سنگل بینچ نے حکومت کا موقف پوری طرح نہیں سنا جبکہ درخواستیں فل بینچ میں زیرسماعت ہیں اس لیے سنگل بینچ فیصلہ نہیں کرسکتا۔

Write on بدھ, 20 ستمبر 2017

روحانی پیشوا سیدنا محمدعالی قدرمفضل سیف الدین سے پی ٹی آئی کے چیئرمین عمران خان نے ملاقات کی، عمران خان کراچی میں داؤدی بوہری جماعت کے روحانی پیشوا کے گھر گئے، ملاقات کے دوران دونوں کے درمیان مختلف امور پر تبادلہ خیال کیا گیا۔

ملاقات میں خیبر پختونخوا میں بلین ٹری سونامی منصوبے پر خصوصی بات چیت کی گئی، سیدنا مفضل نے بلین ٹری منصوبے کے حوالے سے پختونخوا حکومت کی کاوشوں کو خراج تحسین پیش کیا۔

دونوں رہنماؤں کی جانب سے ملکی سلامتی اور ترقی کیلئے دعا کی گئی جبکہ بوہرا جماعت کے عمائدین کی جانب سے عمران خان کو روایتی شال پہنائی گئی۔

دوسری جانب داؤدی بوہری جماعت کے روحانی پیشوا سے پاکستان کے معروف مذہبی اسکالر مولانا طارق جمیل اور قومی کر کٹ ٹیم کے کپتان سرفراز احمد نے بھی ملاقات کی۔

چند روز قبل ہی داؤدی بوہرہ جماعت کے روحانی پیشوا ڈاکٹر سیدنا علی قدر مفضل سیف الدین پاکستان کے دورے پر آئے ہیں، داؤدی بوہرہ جماعت کے روحانی پیشوا ایک ماہ پاکستان میں قیام کریں گے اور محرم الحرام میں منعقد ہونیوالے مذہبی اجتماعات سے خطاب کریں گے۔

وزارتِ داخلہ کی جانب سے بوہرہ کمیونٹی کے روحانی پیشوا سیدنا مفدل سیف الدین اور ان کے ہمراہ آنے والے دوسو افراد کو تیس یوم کے لیے پاکستان کے ڈ بل انٹری اور پولیس ویری فیکیشن سے مستثنیٰ ویزے جاری کرنے کا فیصلہ کیا گیا تھا۔

 

صفحہ نمبر 1 ٹوٹل صفحات 153
Sunny

28°C

اسلام آباد

Sunny
Humidity: 54%
Wind: NW at 11.27 km/h
Tuesday 22°C / 30°C Sunny
Wednesday 23°C / 30°C Sunny
Thursday 23°C / 31°C Sunny
Friday 24°C / 31°C Sunny
Saturday 24°C / 31°C Sunny
Sunday 24°C / 29°C Sunny
Monday 23°C / 28°C Thunderstorms

تازہ ترین خبریں

کالم / بلاگ