ہیڈلائنز

Reporter FK

Write on جمعرات, 18 جنوری 2018

بالی ووڈ کی معروف اداکارہ سونم کپور نے کہا ہے کہ کسی کو یہ حق حاصل نہیں کہ وہ میری نجی زندگی میں مداخلت کرے ۔
غیرملکی میڈیا کے مطابق سونم کپور کی شادی آج کل میڈیا کا سب سے بڑا موضوع بنی ہوئی ہے لیکن اس سوال پر سونم کپور کو غصہ آجاتا ہے جبکہ کچھ دنوں سے یہ افواہیں گردش کررہی ہیں کہ سونم کپور اپنے قریبی دوست آنند آہوجا سے شادی کررہی ہیں۔ پہلے تو ان خبروں پر سونم کی جانب سے کوئی ردعمل سامنے نہیں آیا تاہم اب سونم نے اپنی شادی کی خبروں پر جواب دینے کے بجائے غصے میں آکر الٹا سوال کرتے ہوئے کہا کہ کیوں صرف اداکاراؤں سے ہمیشہ ان کی نجی زندگی کے بارے میں سوال کیا جاتا ہے؟کوئی رنبیر کپور اور رنویر سنگھ سے شادی کے متعلق سوال کیوں نہیں کرتا؟ 
انہوں نے کہا کسی کو یہ حق حاصل نہیں کہ وہ میری نجی زندگی میں مداخلت کرے ، میری زندگی کا یہ حصہ صرف میرے کنٹرول میں ہے، آپ مجھ سے میرے بارے میں بات کرسکتے ہیں اور میں اپنے بارے میں بتانے کیلئے تیار بھی ہوں۔انہوں نے کہاکہ اگر میرے ساتھ کسی اور شخص کی نجی زندگی کے بارے میں بات کی جائیگی تو اس کی عزت کا خیال کرتے ہوئے میں اس شخص کے بارے میں بات نہیں کروں گی۔

Write on جمعرات, 18 جنوری 2018

 اداکارہ سونیا جہاں کو پاکستان کی یاد ستانے لگی اور ان کاکہناہے کہ انہیں پاکستان ، اس کی سادگی ، وہاں کے عوام کا خلوص اوراس کی روایات بہت یادآتی ہیں۔تاج محل ، کھویا کھایا چاند اور مائی نیم از خان جیسی فلموں میں کام کرنیوالی اداکارہ سونیا جہاں کا تعلق پاکستان سے ہے مگر وہ ایک بھارتی شہری سے شادی کے بعد نئی دہلی میں مقیم ہیں۔ وہ پاکستانی فلم انڈسٹری کے فلمساز شوکت حسین رضوی اور ملکہ ترنم نور جہاں کی پوتی ہیں جب کہ 37 سالہ سونیا کی والدہ فرانسیسی ہیں۔سونیا جہاں کا کہنا ہے کہ پاکستانی عوام کی سادگی، خلوص اور ثقافت کو بہت یاد کررہی ہوں کیوں وہ اپنی ثقافت پر فخر کرتے ہیں۔انہوں نے کہا کہ میں نے محسوس کیا ہے کہ بھارت میں لوگ ثقافت سے دور ہوتے جارہے ہیں اور بہت زیادہ مغربی اقدار سے متاثر ہیں اور یہی ایک وجہ ہے اپنے ملک کی کمی محسوس ہوتی ہے۔سونیا جہاں کا کہنا تھا کہ جب میں پاکستان جاتی ہوں وہاں سب شلوار قمیض پہنے ہوتے ہیں اور وہ اس ثقافت پر فخر کرتے ہیں لیکن بھارت میں لوگ بھول گئے ہیں اور اپنا ثقافتی لباس نہیں پہنتے۔ان کا کہنا ہے کہ پاکستان میں رہتے ہوئے دہلی کو یاد کیا ہے کیوں کہ یہ ایک تیز رفتار شہر ہے جس میں زیادہ لوگ اور زیادہ اچھے مقامات ہیں۔سونیا جہاں شادی شدہ زندگی سے بہت خوش ہیں اور ان کے دو بچے نور اور نروانا ہیں۔ان کا کہنا ہے کہ میں اپنے بچوں کے ساتھ زیادہ سے زیادہ وقت گزارنا چاہتی ہوں اور کوشش کرتی ہوں کہ مصروفیات کے باوجود زیادہ سے زیادہ ان کے ساتھ گزاروں۔انہوں نے کہا کہ ان کی ترجیح ہمیشہ ہی خاندان رہی ہے اور وہ سادہ زندگی گزارنے میں خوشی محسوس کرتی ہیں۔

Write on جمعرات, 18 جنوری 2018

ہندوستان نے اڈیشہ کے عبدالکلام جزائر سے آج 5000 کلومیٹر تک مار کرنے والے بین البراعظمی بیلسٹک میزائل اگنی -5 کا کامیاب تجربہ کیا۔ دفاعی تحقیق اور ترقی کی تنظیم (ڈی آر ڈی او) کے ذرائع کے مطابق جوہری صلاحیت اور سب سے طویل فاصلے تک مار کرنے والے اگنی -5 میزائل کا آج صبح نو بج کر 55 منٹ پر عبدالکلام جزائر سے فائرکیا گیا۔ میزائل اپنے پہلے سے مقررہ ہدف کو تباہ کرتے ہوئے خلیج بنگال میں جا کر گرا۔
ڈی آر ڈی او کی طرف سے ملک میں ہی تیار اگنی -5 میزائل کی لمبائی 17 میٹر، چوڑائی دو میٹر اور وزن تقریباً 50 ٹن ہے۔ یہ ایک ٹن تک جوہری ہتھیار لے جانے کی صلاحیت رکھتا ہے۔ لمبی دوری تک مار کرنے والے اگنی -5 بیلسٹک میزائل زمین سے زمین تک مار کرنے کے قابل ہے۔ اگنی -5 چین کے شمالی علاقوں سمیت یوروپ کے زیادہ تر حصوں تک مار کر سکتا ہے

Write on جمعرات, 18 جنوری 2018

شارجہ : بلائنڈ کرکٹ ورلڈ کپ کا فائنل پاکستان اور روایتی حریف بھارت کے درمیان 20 جنوری کو شارجہ میں کھیلا جائے گا۔
تفصیلات کے مطابق بلائنڈ کرکٹ ورلڈ کپ کا فیصلہ کن معرکہ 20 جنوری کو شارجہ کے کرکٹ اسٹیڈیم میں ہوگا جہاں پاکستان کا مقابلہ دفاعی چیمپئن بھارت کے ساتھ ہوگا۔
خیال رہے کہ گزشتہ روز متحدہ عرب امارات کے شہرعجمان میں کھیلے گئےسیمی فائنل میں پاکستان نے سری لنکا کو 156 رنز سے شکست دے کر فائنل کے لیے کوالیفائی کیا تھا۔
پاکستان کی جانب سے محمد راشد نے 139، کپتان نثارعلی نے 99 اور بدرمنیر نے 72 رنز اسکور کیے تھے۔
دوسری جانب سیمی فائنل میں بھارت نے بنگلہ دیش کو باآسانی 8 وکٹوں سے شکست دے کر فائنل کے لیے کوالیفائی کیا تھا۔
دفاعی چیمپئن بھارت نے بنگلہ دیش کے 257 رنز کا 17 اوورز پہلے حاصل کرلیا تھا، بھارت کی جانب سے گنیش مہودکر نے 112 رنز کی شاندار اننگز کھیلی تھی۔
یاد رہے کہ 12 فروری 2017 کو بلائنڈٹی ٹوئنٹی ورلڈکپ فائنل میں بھارت نے پورے ایونٹ میں ناقابل شکست رہنے والی پاکستانی ٹیم کو9 وکٹوں سے شکست دے کر ٹائٹل اپنے نام کیا تھا۔

Write on جمعرات, 18 جنوری 2018

وزیر خارجہ خواجہ آصف نے کہا ہے کہ عمران خان اور زرداری جس شخص کے سٹیج پر چڑھے اس کا سیاست اور پارلیمنٹ سے دور دور تک کوئی تعلق نہیں ،اس نے مذہب کو لوٹ مار کا ذریعہ بنا یا ہو ا ہے ۔
پارلیمنٹ میں خطاب کرتے ہوئے خواجہ آصف نے کہا کہ حکومت کو گالی دینا اور تنقید کرنا اپوزیشن کا حق ہے لیکن یہ پارلیمنٹ کو گالی دے رہے ہیں ،آئین کے مطابق پارلیمنٹ سپریم ادارہ ہے جسے گالی دینے کا حق کسی کو نہیں دیں گے ۔انہوںنے کہا کہ اپوزیشن زینب قتل کیس کو سیاسی ہتھیار بنا کر استعمال کر رہی ہے ،ایسے واقعات کراچی سے پشاور تک ہر جگہ پر ہو رہے ہیں لیکن پنجاب میں اس واقعے کو اچھالا جا رہاہے ۔ان کا کہنات تھا کہ عمران خان اور زرداری اس شخص کے کٹنینر پر چڑھے جس کاپارلیمنٹ اور سیاست سے کوئی تعلق نہیں ،اس نے مذہب کو لوٹ مار کا ذریعہ بنا یا ہوا ہے اور اس کے پاس تو شہریت بھی کینیڈا کی ہے ۔

Write on جمعرات, 18 جنوری 2018

 بالی وڈ کی خوبرو اداکارہ کرینہ کپور خان نے دوہا میں منعقد ہونے والے شاپ قطر فیسٹیول 2018 میں ریمپ پر جلوے بکھیرے اور خوب داد وصول کی۔ کرینہ کپور خان بالی وڈ کی پہلی اداکارہ ہیں جنہیں قطر کے فیشن فیسٹیول میں ریمپ پر واک کرنے کا موقع ملا۔ شاپ قطر فیسٹیول 2018 میں

کرینہ کپور بھارتی ڈیزائنر وکرم پھادنیس کی کلیکشن کی شو اسٹوپر بنیں اور انہوں نے بالی وڈ فیشن کی نمائندگی کی۔ کرینہ کپور نے وکرم کا ڈیزائن کردہ جھل مل کرتا ہلکے گلابی رنگ کا لہنگا پہنا جس کے ساتھ انہوں نے کندن، نگینوں اور موتیوں سے مزین چوکر بھی زیب تن کیا۔ ہلکے گلابی رنگ کے لہنگے کے ساتھ کرینہ کپور نے آنکھوں پر اسموکی میک اپ کر رکھا تھا جب کہ لپ اسٹک کے لیے ہلکے رنگ کا انتخاب کیا گیا۔ شاپ قطر فیشن کے لیے ڈیزائنر وکرم نے کرینہ کپور کے لیے سرخ رنگ کے لہنگے کی پیشکش بھی کی تھی لیکن کرینہ نے نمائش کے لیے ہلکے گلابی رنگ کو پسند کیا۔ واضح رہے کہ آج کل دلہنوں کے ملبوسات میں ہلکے گلابی رنگ کو ترجیح دی جارہی ہے۔ حال ہی میں رشتہ ازدواج میں منسلک ہونے والی بالی وڈ اداکارہ انوشکا شرما نے بھی بھارتی مشہور ڈیزائنر سبیاساچی کا ڈیزائن کردہ ہلکے گلابی رنگ کا عروسی جوڑا زیب تن کیا تھا۔ شادی میں دونوں جانب سے قریبی رشتے داروں کے ساتھ ساتھ والدین نے بھی شرکت کی، جو ایک دو روز قبل ہی میلان پہنچے تھے۔ شادی دنیا کے مہنگے ترین ریزورٹ ’بوگو فینو چیتو‘ میں ہوئی جو نہایت پر فضا مقام ہے۔ بھارتی میڈیا نے بھی شادی کی خبروں کی تصدیق کی ہے ساتھ ہی یہ اطلاع بھی دی ہے کہ انوشکا، ویرات سے عمر میں چھ ماہ بڑی ہیں۔ دونوں کی محبت کی خبریں سن 2013ء سے ہی گردش میں تھیں۔ ویرات کئی بار انوشکا کے بارے میں اپنے خیالات سے میڈیا اور کچھ دوستوں کو سر عام اپنے ’افیئر‘ کے بارے میں بتاتے رہتے تھے۔ تاہم، انوشکا کی جانب سے کبھی کھل کر اس کا اظہار نہیں کیا گیا، بلکہ اکثر مواقع پر انہوں نے ’افیئر‘ اور شادی کے ذکر پر کچھ کہنے سے اجتناب ہی برتا۔

rfgdfhdf

Write on جمعرات, 18 جنوری 2018

دنیا میں مختلف اقسام کی مرچیں پائی جاتی ہیں۔ جن میں سے شملہ مرچ خاصی مقبول ہے۔ جو مختلف رنگ میں بازار میں دستیاب ہوتی ہے۔ لال، پیلی، ہری، جامنی، اس کے علاوہ باریک مرچیں اور جنگلی مرچیں روز مرہ کے کھانوں میں عمومًا استعمال کی جاتی ہیں۔ کھانے میں مرچیں نہ ہوں تو کھانے میں لطف نہیں آتا اور باتوں میں مرچیں ہوں تو سامنے والے کا بلڈ پریشر ہائی ہوجاتا ہے۔
کچھ لوگ ایسی باتیں کرتے ہیں کہ ان کے بولتے ہی مرچیں لگ جاتی ہیں۔ بعض لوگوں میں ایسی بیماری ہوتی ہے جو دو افراد کے درمیان ایسی بات کرتے ہیں جس وہ لوگ آپس میں گتھم گتھا ہوجاتے ہیں۔ پھر وہ ان کو لڑوا کر تماشہ دیکھتے ہیں اور لطف اندوز ہوتے ہیں۔ لہذا ہمیں ایسی باتوں سے ہرہیز کرنا چاہے جو لوگوں کے درمیان دوری پیدا کر دیتی ہیں۔ شیریں الفاظ کا استعمال کریں تاکہ ایک دوسرے کے درمیان محبت پیدا ہو وہ دور جانے کے بجاۓ قریب ہوجائیں۔
جس طرح کھانوں میں مرچوں کی مقدار کو بیلنس رکھنا ایک فن ہے۔ اسی طرح عملی زندگی میں بھی باتوں میں مرچوں کا استعمال متوازن طریقے سے کیا جاۓ تو سننے والے کو لطف آتا ہے۔ اور بات چٹ پٹی ہوجاتی ہے۔یہ نصیحت خصوصاً خواتین کے لیے ہیں۔ جو اکثر اپنی باتوں سے مرچ لگا دیتی ہیں۔ اگر وہ بھی شیریں الفاظ کا استعمال کریں تو مرد حضرات ان کے گرد لٹو کی طرح گھومیں گے۔
بعض اوقات مرچیں کچھ کیے بغیر بھی لگ جاتی ہیں۔ جیسے بہو بڑی اچھی ہو شوہر کا خیال رکھے تو ساس کو مرچیں لگ جاتی ہیں۔ اگر بیوی سج سنور کے شوہر کے سامنے جاۓ ، شوہر موبائل میں مصروف ہوں اور تعریف نہ کرے تو بیوی کو مرچیں لگ جاتی ہیں۔ اگر بیوی لذیذ کھانا پکاۓ اگر شوہر اس میں کوئی خامی نکالے تو بیوی کو مرچیں لگ جاتی ہیں۔
لہذا تمام شوہروں سے گذارش ہے کہ وہ اپنی بیویوں کا خاص خیال رکھیں اور مرچیں نہ لگائیں۔ کیونکہ مرچیں بغیر کسی موسم کے سردی گرمی دنوں میں با آسانی لگائی جا سکتی ہیں۔ غنیمت جانے کے آپکی شادی ہوچکی ہے۔ ورنہ تو کہیں ایسا نہ ہو مرچوں کی زیادتی کی وجہ سے آپ کے رشتے میں دراڑ نہ پڑجاۓ۔

تحریر : خطیب احمد

Write on منگل, 16 جنوری 2018

اسلام آباد : احتساب عدالت کے باہر میڈیا سے گفتگو کرتے ہوئے کیپٹن ریٹائرڈ صفدر نے علامہ طاہر القادری پر تنقید کرتے ہوئے کہا کہ مولانا صاحب کا کوئی ایجنڈا نہیں ۔ یہ ایک دنیاوی مولوی ہے۔
کیپٹن ریٹائرڈ صفدر کا کہنا تھا کہ طاہرالقادری کتنا بھی احتجاج کرلیں پھر ایڑیاں رگڑیں ، لائن وہیں سے شروع ہوگی جہاں نوازشریف کھڑے ہونگے، جلد دودھ کا دودھ ،پانی کا پانی ہوجائے گا۔
انہوں نے کہا کہ مولانا صاحب کا زمانہ طالب علمی سے ایک ایجنڈا تھا کہ لینڈکروزر اور بڑا بنگلہ ہو، وہ پورا ہو گیا ہے۔ وہ چاہتے تھے کہ ان کا ایک نام ہو وہ انہیں اللہ نے دے دیا، طاہر القادری ملک کو غیر مستحکم کرنا چاہتے ہیں ۔

صفحہ نمبر 1 ٹوٹل صفحات 1362
Clear

10°C

اسلام آباد

Clear
Humidity: 67%
Wind: NNW at 11.27 km/h
Friday 10°C / 17°C Sunny
Saturday 11°C / 19°C Sunny
Sunday 9°C / 18°C Sunny
Monday 8°C / 16°C Sunny
Tuesday 8°C / 13°C Rain
Wednesday 8°C / 13°C Sunny
Thursday 7°C / 14°C Sunny

تازہ ترین خبریں

کالم / بلاگ