ہیڈلائنز


امریکی صدر اوباما سے ملاقات کا منتظر ہوں، وزیراعظم نواز شریف

Written by | روزنامہ بشارت

اسلام آباد: وزیراعظم نواز شریف سے امریکی سفیر ڈیوڈ ہیل نے ملاقات کی جس میں دوطرفہ امور سمیت خطے کی صورتحال پر تبادلہ خیال کیا گیا۔ تفصیلات کے مطابق وزیراعظم نواز شریف سے امریکی سفیر ڈیوڈ ہیل نے ملاقات کی اس موقع پر وزیراعظم کے معاون خصوصی طارق فاطمی بھی شریک تھے۔ ملاقات کے دوران پاک امریکا تعلقات سمیت باہمی دلچسپی کے امور اور خطے کی صورتحال پر تبادلہ خیال کیا گیا۔
ملاقات کے دوران وزیراعظم نواز شریف کا کہنا تھا کہ پاکستان امریکا کے ساتھ معاشی اور دیگرشعبوں میں گہرے تعلقات کاخواہاں ہے، پاک امریکا تعلقات میں گہرائی اور اقتصادی تعاون چاہتے ہیں اور رواں ماہ صدراوباما سے نتیجہ خیز ملاقات کا منتظرہوں۔ انہوں نے کہا کہ پاکستان کا افغانستان میں امن و استحکام اور ترقی میں اہم کردار ہے، افغانوں کی قیادت میں مفاہمتی عمل میں سہولت فراہم کر رہے ہیں، 6 ورکنگ گروپس سے نئے اہداف طے کئے جا رہے ہیں اور اسٹریٹیجک ڈائیلا گ سے کامیابیو ں کی نشاندہی میں مددمل رہی ہے۔
ملاقات کے دوران امریکی سفیر ڈیوڈ ہیل کا کہنا تھا کہ محفوظ اور مستحکم افغانستان پورے خطے اور دنیا کے مفاد میں ہے، چار ملکی اقدامات افغانستان میں قیام امن کے لئے مفید ثابت ہونگے جب کہ افغانستان میں امن کی بحالی میں پاکستان کی کوششیں قابل تعریف ہیں۔

Sunny

30°C

اسلام آباد

Sunny
Humidity: 48%
Wind: WNW at 11.27 km/h
Tuesday 22°C / 30°C Sunny
Wednesday 23°C / 30°C Sunny
Thursday 23°C / 31°C Sunny
Friday 24°C / 31°C Sunny
Saturday 24°C / 31°C Sunny
Sunday 24°C / 29°C Sunny
Monday 23°C / 28°C Thunderstorms

تازہ ترین خبریں

کالم / بلاگ