ہیڈلائنز


نواز حکومت سالانہ 10 لاکھ سستے گھر، پلاٹ دینے میں ناکام

Written by | روزنامہ بشارت

اسلام آباد: وفاقی حکومت گزشتہ 3 سال میں کم آمدن وفاقی سرکاری ملازمین اورعوام کوکم قیمت گھر اور پلاٹ فراہم کرنے میں ناکام رہی ہے۔ وزیر اعظم نے اپنی حکومت کے قیام کے بعد قومی اسمبلی میں پہلے خطاب میں کم لاگت کے 10لاکھ گھرسالانہ بنا کر فراہم کرنے کااعلان کیاتھا، وزارت ہاؤسنگ اینڈ ورکس اور اس کے ذیلی ادارے گزشتہ 3 سال میں وزیر اعظم کے اعلان کو عملی جامہ پہنانے میں ناکام رہے ہیں۔ وزارت ہاؤسنگ اینڈ ورکس کے ذیلی اداروں فیڈرل گورنمنٹ ایمپلائز ہاؤسنگ فاؤنڈیشن اور پاکستان ہاؤسنگ اتھارٹی فاؤنڈیشن نے مکانات، اپارٹمنٹس اور پلاٹ فراہم کرنے کیلیے ممبر شپ اسکیم کے نام پرایک لاکھ سے زائد وفاقی سرکاری ملازمین اورعام افراد سے ڈیڑھ ارب سے زائد اکٹھے کرچکے ہیں۔ فیڈرل گورنمنٹ ایمپلائز ہاؤسنگ فاؤنڈیشن نے وفاقی سرکاری ملازمین کیلیے ہاؤسنگ اسکیم شروع کرنے کا اعلان تو کیالیکن عملی طور پرکوئی پیش رفت نہیں ہوئی اور گزشتہ 3 سالہ دور میں ایک پلاٹ بھی نئی ہاؤسنگ اسکیم کے تحت وفاقی سرکاری ملازمین کو فراہم نہیں کیاجاسکا۔ وزارت ہاؤسنگ اینڈ ورکس اور ذیلی اداروں کی جانب سے 3 سال میں پلاٹ اور اپارٹمنٹس فراہم نہ کرنے پر ممبر شپ حاصل کرنیوالے ملازمین اورعام شہری شدید پریشانی کاشکارہیں۔

Cloudy

21°C

اسلام آباد

Cloudy
Humidity: 41%
Wind: WNW at 11.27 km/h
Saturday 11°C / 14°C Scattered showers
Sunday 11°C / 18°C Partly cloudy
Monday 13°C / 20°C Cloudy
Tuesday 14°C / 22°C Mostly cloudy
Wednesday 15°C / 21°C Partly cloudy
Thursday 13°C / 20°C Cloudy
Friday 13°C / 16°C Scattered showers

تازہ ترین خبریں

کالم / بلاگ