ہیڈلائنز


احمد لدھیانوی کی قومی اسمبلی کی رکنیت منسوخ کردی۔

Written by | روزنامہ بشارت

اسلام آباد : الیکشن کمیشن آف پاکستان (ای سی پی ) نے 2 سال بعد احمد لدھیانوی کی قومی اسمبلی کی رکنیت منسوخ کردی۔

سپریم کورٹ نے مئی 2013 کے عام انتخابات میں قومی اسمبلی کے جھنگ سے حلقہ این اے-89 سے کامیاب ہونے والے مسلم لیگ (ن) کے شیخ محمد اکرم کی نااہلی کا الیکشن ٹریبیونل کا فیصلہ 2 ہفتے قبل کالعدم قرار دیا تھا۔ 

 

الیکشن ٹریبونل 9 اپریل 2014 کو این اے- 89 سے مسلم لیگ (ن) کے کامیاب امیدوار شیخ محمد اکرم کو نااہل قرار دے کر ان کے مد مقابل متحدہ دینی محاذ (ایم ڈی ایم) کے رہنما محمد احمد لدھیانوی کو کامیاب قرار دیا تھا، جس کے بعد 18اپریل 2014 کو الیکشن کمیشن نے اس کی اسمبلی رکنیت کا نوٹیفکیشن جاری کیا تھا۔

11 مئی 2013 کو عام انتخابات این اے-89 مسلم لیگ (ن) سے شیخ محمد اکرم 74 ہزار 324 ووٹ لے کر کامیاب قرار پائے تھے جبکہ محمد احمد لدھیانوی نے 71 ہزار 598 ووٹ لیے تھے۔

 

شیخ محمد اکرم — فوٹو : بشکریہ قومی اسمبلی

بعد ازاں محمد احمد لدھیانوی نے شیخ محمد اکرم پر کاغذات نامزدگی میں ولدیت اور شناختی کارڈ نمبر غلط لکھنے کے ساتھ ساتھ ان پر ایف آئی آر کا اندراج اور انتخابی بے ظابطی کا الزام بھی عائد کیا تھا، جس پر ٹریبیونل نے ان کی رکنیت ختم کی تھی۔

مسلم لیگ (ن) کے شیخ محمد اکرم نے الیکشن ٹربیونل کے فیصلے کے خلاف سپریم کورٹ میں درخواست دائر کی تھی، جس کے بعد 22 اپریل 2014 کو سپریم کورٹ نے الیکشن ٹربیونل کی جانب سے احمد لدھیانوی کی کامیابی کا فیصلہ معطل کر دیا تھا۔

 

8 دسمبر 2015 کو عدالت نے این اے 89 میں ٹربیونل کے فیصلے کے خلاف اپیل پر فیصلہ محفوظ کیا تھا جو 3 فروری 2015 کو سنایا گیا۔

اب الیکشن کمیشن نے ایک سال اور 10 ماہ بعد محمد احمد لدھیانوی کی اسمبلی رکنیت کا نوٹیفکیشن واپس لیا اور ان کی رکنیت منسوخ کر دی۔


Read Basharat Online

 

 

PentaBuilders

روزنامہ بشارت ٹویٹر


Follow Daily_Basharat on Twitter
Mostly clear

23°C

اسلام آباد

Mostly clear
Humidity: 86%
Wind: NNW at 6.44 km/h
Friday 22°C / 28°C Thunderstorms
Saturday 22°C / 31°C Thunderstorms
Sunday 23°C / 30°C Thunderstorms
Monday 23°C / 30°C Thunderstorms
Tuesday 25°C / 31°C Thunderstorms
Wednesday 22°C / 28°C Thunderstorms
Thursday 25°C / 28°C Thunderstorms

تازہ ترین خبریں

کالم / بلاگ