ہیڈلائنز


پرویز رشید نے جیالوں کی ہلاکت کا ذمہ دار وزیراعظم آزاد کشمیر کو قرار دیدیا

Written by | روزنامہ بشارت

اسلام آباد: وفاقی وزیر اطلاعات پرویز رشید نے کہا ہے کہ کوٹلی آزاد کشمیر میں جلسے کے دوران 2 افراد کی ہلاکتوں کے ذمہ دار وہاں کے وزیر اعظم چوہدری عبدالمجید ہیں کیونکہ ان کے اشتعال انگیز بیانات کے باعث ہی افسوس ناک واقعہ رونما ہوا۔
اسلام آباد میں میڈیا سے بات کرتے ہوئے وزیر اطلاعات سینیٹر پرویز رشید نے کہا کہ کوٹلی آزاد کشمیر میں جلسے کے دوران 2 افراد کی ہلاکتوں کے ذمہ دار وہاں کے وزیر اعظم چوہدری عبدالمجید ہیں کیونکہ ان کے اشتعال انگیز بیانات کے باعث ہی افسوس ناک واقعہ رونما ہوا لہٰذا انہیں چاہئے کہ وہ اپنے لب و لہجے کو نرم کریں اور سوچ سمجھ کر استعمال کریں۔ انہوں نے کہا کہ بلاول بھٹو زرداری کو اصل حقیقت نہیں بتائی گئی اگر انہیں حقائق سے آگاہ کردیا جائے تو وہ بھی وزیر اعطم آزاد کشمیر سے جواب طلب کریں گے۔
پرویز رشید کا کہنا تھا کہ پاکستان میں موجود دہشت گردوں نے داعش کا نام اپنالیا ہے لیکن ہم نے ملک سے دہشت گردی کوختم کرنے کا تہیہ کررکھا ہے چاہے وہ کسی بھی نام سے سامنے آئیں ۔ انہوں نے کہا کہ دہشت گردی کے خلاف ہمارا عزم کسی ایک شہر یا صوبے کے لیے نہیں بلکہ پورے ملک کے لیے ایک ہی عہد ہے، خفیہ ادارے پنجاب سمیت جہاں بھی دہشت گردوں کی نشاندہی کریں گے وہاں کارروائی ہوگی اورانہیں کہیں بھی پنا ہ نہیں دی جائے گی۔
وزیر اطلاعات نے کہا کہ عمران خان کی جماعت اب موروثی سیاست کی مثال بن چکی ہے اور سچ بولنے والے بہترین افراد کو ان کی جماعت سے نکالا جارہا ہے جب کہ بدعنوانی کے ملزمان کو بچانے کے لیے عمران خان نے جنرل (ر) حامد خان کو ہی فارغ کردیا اگر خیبرپختونخوا حکومت اور عمران خان کا دامن پاک تھا تو شواہد کا سامنا کرتے لیکن ان کے اس عمل سے شک ہوتا ہے کہ اب کرپشن خیبرپخونخوا سے بنی گالا تک پہنچ چکی ہے۔

Clear

11°C

اسلام آباد

Clear
Humidity: 49%
Wind: ESE at 11.27 km/h
Wednesday 9°C / 14°C Mostly sunny
Thursday 8°C / 17°C Partly cloudy
Friday 10°C / 17°C Sunny
Saturday 10°C / 19°C Sunny
Sunday 9°C / 18°C Sunny
Monday 11°C / 15°C Sunny
Tuesday 8°C / 15°C Partly cloudy

تازہ ترین خبریں

کالم / بلاگ