ہیڈلائنز


سعودیوں کی آمد کا سلسلہ جاری، سعودی نائب ولی عہد محمد بن سلمان آج پاکستان پہنچیں گے

Written by | روزنامہ بشارت

اسلام آباد: سعودی عرب کے نائب ولی عہد اور وزیر دفاع شہزادہ محمد بن سلمان آج پاکستان کا دورہ کریں گے جس میں وہ وزیراعظم نوازشریف اور آرمی چیف سمیت وفاقی وزرا سے بھی ملاقات کریں گے۔ ذرائع کے مطابق اپنے دورہ پاکستان میں سعودی وزیردفاع 34 ملکی فوجی اتحاد میں پاکستان کے ممکنہ کردار کے حوالے سے بات چیت آگے بڑھائیں گے جب کہ اس دوران ایران کیساتھ کشیدگی پربھی بات ہوگی۔ برطانوی جریدے کو انٹرویو میں شہزادہ محمد بن سلمان نے کہا کہ سعودی عرب اور ایران کے درمیان جنگ تباہی کا آغاز ہوگی اور ریاض اس جنگ کی اجازت نہیں دے گا۔ انہوں نے کہا یہ ایک ایسامعاملہ ہے جس کی ہم کوئی پیشگوئی نہیں کرسکتے اورجوکوئی بھی جنگ کی شے دے رہا ہے اس کا ذہنی توازن درست نہیں۔ واضح رہے کہ اس سے قبل سعودی وزیر خارجہ عادل بن احمد الجبیرنے بھی جمعرات کو پاکستان کا دورہ کیا تھا جس میں انہوں نے وزیراعظم اور آرمی چیف سے ملاقاتیں کی تھیں جب کہ اس دوران سعودی عرب اور ایران کے درمیان کشیدگی، سعودی عرب کی سربراہی میں دہشت گردی کیخلاف فوجی اتحاد اور اس میں پاکستان کے ممکنہ کردار سمیت دیگر علاقائی اور عالمی امور پر بات چیت کی گئی تھی۔

Cloudy

18°C

اسلام آباد

Cloudy
Humidity: 64%
Wind: WNW at 11.27 km/h
Saturday 11°C / 13°C Scattered showers
Sunday 10°C / 17°C Partly cloudy
Monday 13°C / 21°C Cloudy
Tuesday 15°C / 21°C Partly cloudy
Wednesday 13°C / 21°C Mostly cloudy
Thursday 12°C / 19°C Rain
Friday 10°C / 17°C Partly cloudy

تازہ ترین خبریں

کالم / بلاگ