ہیڈلائنز


مضبوط معیشت سے دہشت گردی ختم ہوگی. وزیراعظم نواز شریف

Written by | روزنامہ بشارت

اسلام آباد.....وزیراعظم نواز شریف نے کہا ہے کہ مضبوط معیشت سے دہشت گردی ختم ہوگی اور تمام معاملات ٹھیک ہوں گے ۔انہوں نے کہا ہم نے شفافیت کی وجہ سے 40 ارب روپے بچائے ہیں ،قوم کے ایک ایک پیسے کو امانت سمجھتے ہیں ،ٹیکس ریٹ کو اتنا نیچے لایا جائے کہ خوشی سے ادائیگی ممکن ہو، خوشی ہے 2016 کے پہلے دن بڑی اچھی ابتدا ہوئی ۔
رضا کارانہ ٹیکس ادائیگی اسکیم کے اجراء کی تقریب سے خطاب کرتے ہوئے وزیر اعظم نواز شریف کا کہنا تھا کہ معیشت مضبوط ہو تو دہشت گردی بھی پاؤں جمانے کا نہیں سوچ سکتی ، ہم بزنس کمیونٹی کے ساتھ مشاورت سے پالیسیاں بنائیں ،تاجر ملک کو آگے لے جانے کیلئے حکومت کی مدد کریں ۔
وزیر اعظم نے تاجروں کے مسائل حل ہونے پر خوشی کا اظہار کرتے ہوئے کہا کہ ایف بی آر کے فیصلوں سے کسی کو تکلیف نہیں پہنچنی چاہیے،ٹیکس ریٹ کو اتنا نیچے لایا جائے کہ خوشی سے ادائیگی ممکن ہو۔ وزیراعظم نواز شریف نے کہا ہے کہ تاجروں اور صنعت کاروں کی مشاورت سے پالیسیاں بنانا چاہتےہیں ،ٹیکس شرح اتنی کم ہونی چاہیےکہ ادائیگی میں دشواری نہ ہو۔ معیشت مضبوط ہوگی تبھی افواج مضبوط ہوں گی۔
نواز شریف کا کہنا تھا کہ پاکستان نےدو ڈھائی سال میں بہت کچھ حاصل کیا ہے ،تاجر برادری کے مسائل کی خوش اسلوبی سے حل پر خوشی ہے ۔
وزیر اعظم کا کہنا تھا کہ کراچی پاکستان کی شہ رگ ہے ، ملک کی ترقی کراچی کے امن سے جڑی ہوئی ہے ، اگرکراچی اگر پر امن ہے تو پورا ملک پرامن ہے۔تاجربرادری کی جانب سے وزیر اعظم نواز شریف کو گولڈ میڈل پیش کیاگیا، وزیر اعظم نواز شریف جب خطاب کرنے آئے تو تقریب کے شرکاء نے کھڑے ہوکر ان کا خیر مقدم کیا۔

Clear

26°C

اسلام آباد

Clear
Humidity: 69%
Wind: E at 11.27 km/h
Saturday 25°C / 30°C Thunderstorms
Sunday 23°C / 29°C Thunderstorms
Monday 22°C / 28°C Thunderstorms
Tuesday 23°C / 28°C Thunderstorms
Wednesday 23°C / 28°C Thunderstorms
Thursday 22°C / 26°C Thunderstorms
Friday 21°C / 26°C Thunderstorms

تازہ ترین خبریں

کالم / بلاگ