ہیڈلائنز


اسلام آباد میں داعش کا کوئی حامی نہیں، اگر بلاول کو پتہ ہے تو اسکا نام بتائیں، پرویز رشید

Written by | روزنامہ بشارت

اسلام آباد: وفاقی وزیر اطلاعات پرویز رشید نے کہا ہے کہ نیشنل ایکشن پلان سابق صدر پرویز مشرف کے دور میں بن جانا چاہیے تھا، لیکن نیشنل ایکشن پلان مشرف اور زرداری کے دور میں نہیں بنا۔ نیشنل ایکشن پلان بنانے کا اعزاز مسلم لیگ نواز کو ملا ہے، جس کے کریڈٹ کو اپنے لیے باعث فخر سمجھتے ہیں۔ ان کا کہنا ہے مسلم لیگ نواز نے دہشت گردی کے خلاف جنگ کے لیے تمام جماعتوں کو اکٹھا کیا۔ پیپلزپارٹی کے چیئرمین بلاول بھٹو زرداری کے خطاب پر ردعمل دیتے ہوئے پرویز رشید کا میڈیا سے گفتگو کے دوران کہنا تھا کہ نیشنل ایکشن پلان زرداری کے دور میں کیوں نہیں بنا۔ انہوں نے کہا کہ نیشنل ایکشن پلان کی نگرانی کے لیے پارلیمنٹ موجود ہے اور حکومت کی کارکردگی جانچنے کے لیے نظام پارلیمنٹ میں موجود ہے۔ ان کا کہنا تھا کہ پیپلز پارٹی اپنے دور میں طاہر القادری سے متعلق بیانات کا جائزہ لے، طاہر القادری سے متعلق بیانات کا جائزہ لے کر پیپلز پارٹی کو نیشنل ایکشن پلان سمجھ آ جائے گا۔ پرویز رشید کا مزید کہنا تھا کہ میر ے علم میں نہیں ہے کہ اسلام آباد میں داعش کا حامی کوئی شخص ہے۔ اگر بلاول زرداری کو پتہ ہے تو اس کانام بتائیں۔ انہوں نے مزید کہا کہ سانحہ ماڈل ٹاﺅن کیس کا فیصلہ ابھی ہونا ہے، ابھی یہ ثابت ہونا ہے کہ کس نے قتل و غارت گری کی۔

Sunny

16°C

اسلام آباد

Sunny
Humidity: 39%
Wind: SE at 6.44 km/h
Tuesday 9°C / 13°C Rain
Wednesday 6°C / 15°C Sunny
Thursday 6°C / 15°C Sunny
Friday 10°C / 16°C Sunny
Saturday 10°C / 16°C Partly cloudy
Sunday 10°C / 15°C Mostly sunny
Monday 7°C / 13°C Partly cloudy

تازہ ترین خبریں

کالم / بلاگ