ہیڈلائنز


ڈاکٹر عاصم کیس کے شواہد سامنے آئے تو پیپلز پارٹی کو نقصان ہوگا، عبدالقادر بلوچ

Written by | روزنامہ بشارت

اسلام آباد: وفاقی وزیر سیفران عبدالقادر بلوچ کا کہنا ہےکہ ڈی جی رینجرز سندھ نے بتایا کہ ڈاکٹر عاصم کیس میں بہت سے شواہد ملے ہیں لہٰذا معاملہ سامنے لایا جائے تو پیپلزپارٹی کو نقصان ہوگا۔ اسلام آباد میں میڈیا سے بات کرتے ہوئے وفاقی وزیر عبدالقادر بلوچ نے کہا کہ رینجرز کو اختیارات دینے کا اقدام آئین کے مطابق کیا گیا اس لیے سندھ حکومت آرٹیکل 147 اور 149 سمیت 149 کا آرٹیکل 3 بھی پڑھ لے، وفاقی حکومت کسی بھی صورتحال میں ایکشن لے سکتی ہے جب کہ پنجاب میں بھی حکومت کورینجرز کی ضرورت ہو تو انہیں بلاسکتے ہیں۔ انہوں نے کہا کہ سندھ رینجرز کے سالانہ 9 ارب روپے کے اخراجات وفاق دیتا ہے اور میں خود ڈی جی رینجرز سندھ رہا ہوں اس لیے بہت سارے معاملات جانتا ہوں جب کہ آئین میں کہیں بھی کرپشن کے خلاف کارروائی ممنوع ہے تو بتایا جائے۔ عبدالقادر بلوچ نے کہا کہ حکومت نے کراچی کا امن واپس لانے کے لیے اچھا اقدام کیا جس سے شہر کے تاجر اور عوام خوش ہیں۔ ان کا کہنا تھا کہ ڈی جی رینجرز نے بتایا کہ ڈاکٹر عاصم کیس میں بہت سے شواہد ملے ہیں اس لیے اگر معاملہ سامنے لایا گیا تو پیپلزپارٹی کو نقصان ہوگا۔

Sunny

18°C

اسلام آباد

Sunny
Humidity: 35%
Wind: SE at 11.27 km/h
Monday 10°C / 16°C Sunny
Tuesday 7°C / 13°C Rain
Wednesday 5°C / 15°C Sunny
Thursday 6°C / 15°C Sunny
Friday 10°C / 16°C Sunny
Saturday 11°C / 15°C Mostly sunny
Sunday 9°C / 15°C Partly cloudy

تازہ ترین خبریں

کالم / بلاگ