ہیڈلائنز


سندھ میں رینجرزکو قانون اور آئین کےمطابق اختیارات دیئےجائیں گے، پرویزرشید

Written by | روزنامہ بشارت

اسلام آباد: وفاقی وزیر اطلاعات پرویز رشید کا کہنا ہے کہ سندھ میں رینجرز کو قانون اور آئین کےمطابق اختیارات دیئے جائیں گے۔ اسلام آباد میں میڈیا سے بات کرتے ہوئے کرتے ہوئے وفاقی وزیر اطلاعات پرویزرشید کا کہنا تھا کہ  کراچی آپریشن پر تمام جماعتیں متفق ہیں ۔ یہ کسی کی انا کا مسئلہ نہیں ہے رینجرز کو جو بھی ذمہ داری دی گئی اسے نبھانے کے لئے قانونی تقاضے پورے کرنے ہیں۔ میڈیا میں سندھ حکومت کی سمری مسترد کردینے کی باتیں خود ساختہ ہیں، قانونی ماہرین سمری کا جائزہ لے رہے ہیں۔ ان کا کہنا تھا کہ آئین اور قانون کے تقاضوں کے مطابق رینجرز کو اختیارات دیئے جائیں گے اور اس سلسلے میں کسی بھی قسم کے فیصلے سے وزیر داخلہ خود آگاہ کریں گے۔ پرویز رشید نے کہا کہ سندھ میں گورنر راج کی باتیں من گھڑت ہیں جس نے بھی 18 ویں ترمیم پڑھی ہے وہ گورنر راج کا سوال بھی نہیں کرسکتا۔ مسلم لیگ (ن )کی حکومت سیاسی مفاہمت پر کاربند ہے اور آئندہ بھی مفاہمانہ کردار ادا کرتی رہے گی ۔

Mostly sunny

17°C

اسلام آباد

Mostly sunny
Humidity: 46%
Wind: WNW at 6.44 km/h
Sunday 11°C / 20°C Mostly sunny
Monday 11°C / 20°C Sunny
Tuesday 13°C / 18°C Partly cloudy
Wednesday 11°C / 20°C Sunny
Thursday 10°C / 20°C Sunny
Friday 11°C / 17°C Sunny
Saturday 12°C / 17°C Sunny

تازہ ترین خبریں

کالم / بلاگ