ہیڈلائنز


سیاسی وعسکری قیادت کا سندھ میں رینجرز اختیارات محدود کرنے پر تشویش کا اظہار

Written by | روزنامہ بشارت
اسلام آباد: ملک کی سیاسی اور عسکری قیادت نے سندھ میں رینجرز اختیارات محدود کرنے پر گہری تشویش کا اظہار کیا ہے جب کہ وزیراعظم نوازشریف کا کہنا ہے کہ کراچی آپریشن کی کامیابیوں کو کسی طور ضائع نہیں کیا جائے گا۔ اسلام آباد میں وزیراعظم نوازشریف کی زیر صدارت اہم اجلاس ہوا جس میں آرمی چیف جنرل راحیل شریف، ڈی جی آئی ایس آئی لیفٹیننٹ جنرل رضوان اختر، وزیردفاع خواجہ آصف، وفاقی وزیر داخلہ چوہدری نثار، وفاقی وزیرخزانہ اسحاق ڈار، وزیراعظم کے مشیر برائے امورخارجہ سرتاج عزیز، مشیربرائے قومی سلامتی ناصر خان جنجوعہ اور معاون خصوصی طارق فاطمی سمیت دیگر سول و عسکری حکام نے شرکت کی۔اجلاس میں ملک کی سیکیورٹی صورتحال سمیت رینجرز کے اختیارات اور کراچی آپریشن پر زیادہ توجہ دی گئی۔ ذرائع کے مطابق اجلاس کے شرکاء نے سندھ حکومت کی جانب سے رینجرز کے اختیارات محدود کرنے پر گہری تشویش کا اظہار کیا اور یہ فیصلہ کیا گیا کہ رینجرز اختیارات کے حوالے سے وفاقی حکومت صوبائی حکومت سے رابطہ کرے۔ ذرائع کا کہنا ہے کہ اجلاس میں رینجرز کی جانب سے دہشت گردوں سمیت ان کے معاونین ، فنڈنگ کرنے والوں اور کرپشن کے خلاف کارروائیاں جاری رکھنے کا فیصلہ کیا گیا جب کہ اس موقع پر وزیراعظم نوازشریف کا کہنا تھا کہ کراچی آپریشن کی کامیابیوں کو کسی طور ضائع نہیں کیا جائے گا۔
Clear

25°C

اسلام آباد

Clear
Humidity: 76%
Wind: NNW at 11.27 km/h
Friday 25°C / 31°C Thunderstorms
Saturday 25°C / 29°C Thunderstorms
Sunday 22°C / 28°C Thunderstorms
Monday 22°C / 27°C Thunderstorms
Tuesday 23°C / 28°C Thunderstorms
Wednesday 21°C / 28°C Thunderstorms
Thursday 22°C / 28°C Thunderstorms

تازہ ترین خبریں

کالم / بلاگ