ہیڈلائنز


کالعدم تنظیموں کی فہرست سینیٹ میں پیش کر دی گئی

Written by | روزنامہ بشارت

اسلام آباد: وزارت داخلہ نے سینیٹ میں کالعدم تنظیموں کی فہرست پیش کردی جس کے مطابق کالعدم تنظیموں میں سپاہ صحابہ، لشکر جھنگوی، تحریک جعفریہ پاکستان سمیت 61 تنظیمیں شامل ہیں۔ ڈپٹی چیئرمین مولانا عبدالغفور حیدری کی زیرصدارت سینیٹ کا اجلاس ہوا جس میں وزارت داخلہ کی جانب سے کالعدم تنظیموں سے متعلق رپورٹ پیش کی گئی۔ وزارت داخلہ کی جانب سے کالعدم قراردی گئی تنظیموں میںسپاہ صحابہ، لشکر جھنگوی، سپاہ محمد پاکستان، جیش محمد، تحریک جعفریہ پاکستان، تحریک اسلامی، بلوچستان ری پبلکن آرمی، لشکربلوچستان اور داعش سمیت 61 تنظیمیں شامل ہیں جب کہ جماعت الدعوہ کالعدم جماعتوں کی فہرست میں شامل نہیں جس کے حوالے سے وزارت داخلہ کا کہنا ہے کہ اس کی نگرانی کی جارہی ہے۔ وزارت داخلہ نے دہشت گردی کے خلاف کارروائیوں سے متعلق صوبے وارتفصیلات سے متعلق تحریری جواب ایوان میں پیش کیا جس میں کہا گیا کہ ملک میں رواں سال دہشت گردی کے ایک ہزار 113 واقعات پیش آئے جب کہ سیکیورٹی فورسز کی کارروائیوں کے دوران 637 دہشت گرد ہلاک اور 710 کو گرفتار کیا گیا۔

Clear

23°C

اسلام آباد

Clear
Humidity: 78%
Wind: NNE at 11.27 km/h
Monday 22°C / 29°C Sunny
Tuesday 22°C / 30°C Sunny
Wednesday 23°C / 30°C Sunny
Thursday 23°C / 31°C Sunny
Friday 24°C / 31°C Sunny
Saturday 25°C / 31°C Sunny
Sunday 25°C / 30°C Sunny

تازہ ترین خبریں

کالم / بلاگ