ہیڈلائنز


تفصیلات آنے کے بعد فیصلہ کرینگے کہ سعودی اتحاد میں کس حد تک شامل ہونگے، پاکستان

Written by | روزنامہ بشارت

اسلام آباد: پاکستان نے سعودی عرب کی زیر قیادت 34 اسلامی ممالک کے فوجی اتحاد کا خیر مقدم کرتے ہوئے کہا ہے کہ اس اتحاد کا حصہ بننے کے لئے حدود و قیود کی تفصیلات کا انتظار ہے۔ ترجمان دفتر خارجہ قاضی خلیل اللہ نے کہا ہے کہ پاکستان دہشت گردی اور انتہا پسندی کے خلاف 34 ملکوں کے اتحاد کا خیرمقدم کرتا ہے، اس اتحاد میں پاکستان کی شرکت کے لئے حدود و قیود کی تفصیلات کا انتظار ہے، پاکستان دہشت گردی اور انتہا پسندی کے خلاف جنگ میں عالمی اور علاقائی سطح پر ہر قسم کے تعاون کے لئے پُرعزم ہے۔ سعودی عرب کی زیر قیادت بننے والی فوجی اتحاد میں مصر، قطر ، عرب امارات، ترکی، بنگلا دیش اور ملائیشیا سمیت کئی افریقی مسلم ممالک شامل ہیں، تاہم ایران، شام ا ور عراق اس اتحاد کا حصہ نہیں۔ اس فوجی اتحاد کا آپریشن سینٹر ریاض میں ہوگا۔ سعودی عرب کے وزیر دفاع شہزادہ محمد بن سلمان کے مطابق اس فوجی اتحاد کے ذریعے عراق، شام، لیبیا، مصر اور افغانستان جیسے ممالک میں شدت پسندی کے خلاف کوششوں کو مربوط کیا جائے گا۔

دیگر ذرائع کے مطابق ترجمان دفتر خارجہ کے مطابق سعودی عرب کی جانب سے دہشت گردی کے خلاف بننے والے اسلامی فوجی اتحاد کا خیر مقدم کرتے ہیں۔ تفصیلات ملنے کے بعد فیصلہ کیا جائے گا کہ پاکستان کس حد تک عملی حصہ لے سکتا ہے۔ ترجمان کے مطابق پاکستان اور سعودی عرب کے درمیان قریبی دوستانہ تعلقات ہیں۔ پاکستان اور سعودی عرب کے درمیان دہشتگردی کے خاتمے کے حوالے سے دو طرفہ تعاون جاری ہے۔ واضح رہے گذشتہ روز سعودی عرب نے دہشتگردی کے خلاف 34 ملکی فوجی اتحاد کا اعلان کیا تھا، جس میں پاکستان کو اس اتحاد کا حصہ ظاہر کیا گیا تھا۔ اتحاد میں ترکی، پاکستان، ملیشیا، قطر، لیبیا، مراکش اور مصر سمیت کئی افریقی اور عرب ممالک شامل ہیں۔ اس سے قبل سعودی عرب نے یمن کے خلاف فوجی اتحاد میں بھی پاکستان کو اس اتحاد کا حصہ ظاہر کرچکا ہے۔

Cloudy

21°C

اسلام آباد

Cloudy
Humidity: 37%
Wind: WNW at 17.70 km/h
Tuesday 12°C / 20°C Mostly cloudy
Wednesday 13°C / 20°C Mostly sunny
Thursday 12°C / 20°C Partly cloudy
Friday 12°C / 20°C Scattered showers
Saturday 11°C / 15°C Showers
Sunday 11°C / 13°C Showers
Monday 11°C / 17°C Mostly cloudy

تازہ ترین خبریں

کالم / بلاگ