ہیڈلائنز


پیرس کانفرنس میں پاک بھارت وزرائے اعظم کے درمیان خوشگوار موڈ میں گفتگو

Written by | روزنامہ بشارت

پیرس: وزیراعظم نواز شریف کا کہنا ہے کہ پاکستان پر امن ہمسائیگی چاہتا ہے جس کے لیے بھارت سے مذاکرات کو تیار ہیں تاہم ہمیں پاکستان میں دہشت گردی اوربھارتی مداخلت پرشدید تحفظات ہیں جسے بھارت کو تسلیم کرنا ہوگا۔
وزیراعظم نوازشریف اور ان کے بھارتی ہم منصب نریندر مودی کے درمیان پیرس میں ہونے والی ماحولیاتی کانفرنس کے موقع پر غیر رسمی ملاقات ہوئی جس میں ایک صوفے پر بیٹھ کر دونوں وزرائے اعظم نے خوشگوار موڈ میں بات چیت کی اور ایک دوسرے کا حال احوال پوچھتے رہے۔
بعد ازاں میڈیا سے بات کرتے ہوئے وزیراعظم نوازشریف کا کہنا تھا کہ نریندری مودی سے خوشگوار ماحول میں ملاقات ہوئی تاہم اچھا نہیں لگتا کہ سب کو بتاؤں مودی سے کیا بات ہوئی اس لیے ہماری آپس میں جو گفتگو ہوئی اس پرتبصرہ نہیں کرناچاہتا۔ انہوں نے کہا کہ کانفرنس کےدوران سب ملاقاتوں میں اچھی باتیں ہوئی ہیں، برطانوی وزیراعظم اور افغان صدر کے ساتھ سہ طرفہ گفتگو بھی ہوئی۔
وزیراعظم نوازشریف نے کہا کہ سب ممالک کو مسائل کے حل کے لیے مذاکرات کا راستہ اختیار کرنا چاہیے، ہمیں اپنے معاملات کو اچھے انداز میں آگے بڑھانا ہے۔ انہوں نے کہا کہ بھارت پاکستان کے حوالے سے اپنی پالیسی پرنظرثانی کرے، پاکستان پر امن ہمسائیگی چاہتا ہے اور بھارت سے مذاکرات کے لیے تیار ہے۔ ان کا کہنا تھا کہ ہمیں دہشت گردی اوربھارت کی مداخلت پرشدید تحفظات ہیں لہٰذا بھارت کوپاکستان کے تحفظات تسلیم کرنا ہوں گے۔
دوسری جانب پیرس سے لندن پہچنے پر میڈٰیا سے بات کرتے ہوئے وزیراعظم نواز شریف کا کہنا تھا کہ بھارتی وزیراعظم نریندر مودی نے ملاقات میں معاملات کو آگے بڑھانے کی خواہش کا اظہار کیا تاہم پاکستان بھی چاہتا ہے کہ دونوں ممالک کے درمیان بہتر تعلقات ہوں۔ ان کا کہنا تھاکہ پاکستان نےدہشت گردی کےخلاف آپریشن عالمی دباؤ پر نہیں کیا اور اس آپریشن میں پاکستان کو کامیابیاں بھی ملی ہیں۔

Clear

12°C

اسلام آباد

Clear
Humidity: 58%
Wind: NNW at 11.27 km/h
Wednesday 11°C / 18°C Sunny
Thursday 11°C / 18°C Mostly cloudy
Friday 10°C / 19°C Sunny
Saturday 10°C / 20°C Sunny
Sunday 16°C / 20°C Partly cloudy
Monday 15°C / 17°C Mostly sunny
Tuesday 11°C / 17°C Sunny

تازہ ترین خبریں

کالم / بلاگ