ہیڈلائنز


حکومتی منصوبوں پر دنیا ہنس رہی ہے کہ بھوکے ننگے لوگوں کی ترجیحات کیا ہیں، خورشید شاہ

Written by | روزنامہ بشارت

اسلام آباد: قومی اسمبلی میں قائد حزب اختلاف خورشید شاہ کا کہنا ہے کہ حکومتی منصوبے دیکھ کر دنیا ہنس رہی ہے کہ بھوکے ننگے لوگوں کی ترجیحات کیا ہیں۔ قومی اسمبلی کے اجلاس کے دوران اظہار خیال کرتے ہوئے قائد حزب اختلاف نے کہا کہ حکومت کی ترجیحات میٹرو بس اور اورنج ٹرین جیسے منصوبے ہیں، یہ سمجھتے ہیں کہ ایک دو شہروں میں ترقی ہوگئی تو سب ٹھیک ہے،اسلام آباد ایئرپورٹ کی تعمیر کا منصوبہ 35ارب 100 ارب تک پہنچ گیا لیکن کوئی پوچھنے والانہیں، ان منصوبوں کو دیکھ کر دنیا ہنس رہی ہےکہ بھوکے ننگے لوگوں کی ترجیحات کیا ہیں۔
خورشید شاہ نے کہا کہ پیپلز پارٹی نے سوات آپریشن کے متاثرین کو 3ماہ میں بحال کردیا لیکن اس کے باوجود پیپلزپارٹی کی حکومت کو برا بھلا کہا گیا، ہم نےانتخابات میں عوام کےفیصلے پر سرتسلیم خم کیا لیکن بنوں میں گزشتہ 2برس سے لوگ اب بھی آئی ڈی پیز کے طور پر رہ رہے ہیں، چترال ، بونیر، دیر سب پاکستان ہے، وہاں کے بچوں کا بھی حق ہےکہ انہیں لاہور جیسی سہولیات ملیں، اورنج ٹرین سے کسی کا پیٹ نہیں بھرے گا، زلزلہ زدہ علاقوں میں لوگ شدید مشکل میں ہیں، وزیر اعظم ایک رات کھلے آسمان تلے گزار کر دکھائیں، حکومت اپنی تشہیر کے پیسوں کو ان پر لگائے۔ خیبرپختونخوا حکومت بھی اپنےعلاقوں پر توجہ دے اور وزیراعظم بھی وہاں جائیں، وزیر اعظم زلزلہ زدہ علاقوں میں 3دن کیمپ لگائیں، دیکھیں کیسے مسائل حل ہوتے ہیں۔

Clear

12°C

اسلام آباد

Clear
Humidity: 58%
Wind: NNW at 11.27 km/h
Wednesday 11°C / 18°C Sunny
Thursday 11°C / 18°C Mostly cloudy
Friday 10°C / 19°C Sunny
Saturday 10°C / 20°C Sunny
Sunday 16°C / 20°C Partly cloudy
Monday 15°C / 17°C Mostly sunny
Tuesday 11°C / 17°C Sunny

تازہ ترین خبریں

کالم / بلاگ