ہیڈلائنز


عمران ریحام علیحدگی کی وجہ سیاست کی خواہش اور کتوں پر پابندی بنیں، برطانوی اخبار

Written by | روزنامہ بشارت

لندن: برطانوی اخبار نے دعویٰ کیا ہے کہ عمران خان اور ریحام کے درمیان بہت سے معاملات پر اختلافات تھے لیکن عمران کا کتوں سے بے پناہ لگاؤ اور سابق اہلیہ جمائمہ خان سے تعلق عمران اور ریحام کے درمیان طلاق کی اصل وجہ بنا۔
برطانوی اخبار ڈیلی میل نے اپنی رپورٹ میں انکشاف کیا ہے کہ عمران خان اور ریحام کے درمیان بہت سے معاملات پر اختلافات تھے، ریحام خان کے رشتہ دار جب چاہتے بنی گالہ آ جاتے لیکن عمران خان کے رشتہ دار اور دوستوں کا بنی گالہ آنا ریحام کو پسند نہیں تھا۔ رپورٹ میں مزید کہا گیا ہے کہ ریحام کو عمران خان کے کتوں کا بیڈ روم میں آنا بالکل بھی پسند نہیں تھا جب کہ عمران خان کا اپنی سابق اہلیہ جمائمہ سے تعلق بھی ریحام کو پسند نہیں تھا اور یہی اختلاقات دونوں کے درمیان طلاق کی اہم وجہ بنے۔ ریحام خان سیاست میں انٹری کے ساتھ عمران خان کو اپنے کنٹرول میں رکھنا چاہتی تھیں۔
برطانوی اخباز کے مطابق عمران خان نے ریحام کو ایس ایم ایس پر 3 مرتبہ طلاق، طلاق، طلاق کا پیغام بھیجا اور ای میل بھی بھیجی۔ ریحام خان کو طلاق کا ایس ایم ایس برمنگھم ایئرپورٹ پہنچے پر ملا۔ اخبار کے مطابق دونوں کے درمیان مالی معاملات طے کرنے کے لیے مذاکرات جاری ہیں۔
واضح رہے کہ عمران خان اور ریحام کے درمیان گزشتہ ماہ علیحدگی کے بعد گزشتہ روز باقاعدہ طلاق ہوئی تھی۔ گزشتہ ماہ سے ہی دونوں کے درمیان متعدد معاملات پر اختلافات کی خبریں سامنے آ رہی ہیں تاہم ریحام خان نے پی ٹی آئی رہنماؤں سے پیسے لینے اور عمران خان کو زہر دینے سے متعلق تمام خبروں کی سختی سے تردید کی تھی۔

Clear

20°C

اسلام آباد

Clear
Humidity: 42%
Wind: NNW at 11.27 km/h
Thursday 21°C / 29°C Sunny
Friday 21°C / 29°C Sunny
Saturday 21°C / 28°C Sunny
Sunday 20°C / 28°C Mostly sunny
Monday 18°C / 26°C Mostly sunny
Tuesday 18°C / 25°C Sunny
Wednesday 21°C / 27°C Sunny

تازہ ترین خبریں

کالم / بلاگ