ہیڈلائنز


وزیراعظم دورہ امریکا میں پاک بھارت مذاکرات پر بات چیت کرینگے، سرتاج عزیز

Written by | روزنامہ بشارت

اسلام آباد: وزیراعظم کے مشیر برائے خارجہ امور و قومی سلامتی سرتاج عزیز نے کہا ہے کہ سمجھوتہ ایکسپریس منسوخی کے واقعے پر افسوس ہوا ہے، عالمی برادری کے سامنے بھارتی جارحیت کا معاملہ دوبارہ اٹھائیں گے، پاکستان کے اندر بھارتی مداخلت کے ثبوت باقی ممالک کو بھی دیے جا رہے ہیں،دہشت گردی پاکستان کا بھی مسئلہ ہے، بھارتی خفیہ ایجنسی ’’را‘‘ پاکستان میں دہشت گردی میں ملوث ہے، افغانستان میں امن چاہتے ہیں، بات چیت دوبارہ شروع ہونے سے ہی خانہ جنگی میں کمی ہو گی۔
اقوام متحدہ دنیا میں قائدانہ کردار ادا کر رہا ہے، ان خیالات کا اظہار انھوں نے لوک ورثہ میں اقوام متحدہ کی 70 ویں سالگرہ کی تقریب سے خطاب اور بعد ازاں میڈیا سے گفتگو کے دوران کیا، انھوں نے کہا کہ اقوام متحدہ کی 70 ویں سالگرہ کے موقع پر اقوام متحدہ کو پاکستانی عوام کی جانب سے مبارکباد پیش کرتے ہیں، انھوں نے کہا کہ 2015 کی تاریخ میں ایس ڈی جی ایس کی منظوری کے حوالے سے یاد رکھا جائے گا، تقریب سے خطاب کرتے ریذیڈنٹ کوآرڈینیٹر اقوام متحدہ نیل بننے نے کہا کہ یواین چارٹر 70 برس قبل لکھا گیا لیکن آج بھی جدید مثال کا احاطہ کرتا ہے۔
بعد ازاں میڈیا سے گفتگو کے دوران سرتاج عزیز نے کہاکہ افغانستان میں امن چاہتے ہیں، وزیراعظم دورہ امریکا میں پاک بھارت مذاکرات پر بھی بات چیت کریں گے، بھارت نے ہمیشہ جارحیت کا راستہ اپنایا ہے لیکن پاکستان ہمیشہ بھارت کے ساتھ امن کا خواہاں رہا ہے، دونوں ممالک کی بقا اسی میں ہے کہ دونوں پُرامن رہیں، سرتاج عزیز نے کہا کہ جوہری پروگرام پر سمجھوتہ نہ کیا ہے اور نہ ہی کریں گے، ہم خارجہ پالیسی پر کسی قسم کا سمجھوتہ نہیں کرتے، دنیا جانتی ہے کہ پاکستان کا ایٹمی پروگام پُرامن ہے، بھارتی جارحیت سے خطے میں کشیدگی بڑھ رہی ہے۔

Clear

10°C

اسلام آباد

Clear
Humidity: 55%
Wind: NNW at 11.27 km/h
Thursday 11°C / 19°C Partly cloudy
Friday 11°C / 20°C Sunny
Saturday 13°C / 20°C Mostly sunny
Sunday 13°C / 20°C Partly cloudy
Monday 13°C / 18°C Sunny
Tuesday 10°C / 17°C Sunny
Wednesday 10°C / 17°C Sunny

تازہ ترین خبریں

کالم / بلاگ