ہیڈلائنز


داعش کی کوئی چیز ایسی نہیں کہ جسے اسلامی کہا جائے، پاکستان

Written by | روزنامہ بشارت

اسلام آباد: ترجمان دفتر خارجہ قاضی خلیل اللہ نے کہا ہے کہ داعش کی مذمت کرتے ہیں داعش کی کوئی چیز ایسی نہیں کہ جسے اسلامی کہا جائے اور پاکستان اپنی سرزمین پر اس کے وجود کو کسی صورت برداشت نہیں کرے گا۔ اسلام آباد میں ہفتہ وار نیوز بریفنگ کے دوران دفتر خارجہ کے ترجمان قاضی خلیل اللہ کا کہنا تھا کہ سانحہ منیٰ میں 89 پاکستانی شہید ہوئے ہیں جبکہ حجاج نے لکھ کر دیا تھا کہ وفات کی صورت میں وہی تدفین کی جائے، پاکستان کو اطمینان ہے کہ سانحہ منیٰ پرسعودی حکومت تعاون کررہی ہے۔ شام کے حوالے سے انہوں نے کہا کہ شام کے مسئلے کا مذاکرات کے ذریعے حل چاہتے ہیں اور شام میں قتل و غارت گری کے خلاف ہیں۔ قاضی خلیل کا کہنا تھا کہ سول نیوکلیئر تعاون سب کے لیےغیر امتیازی ہونا چاہیے۔ پاکستان سیف گارڈ کے تحت سول ایٹمی توانائی پیدا کررہے ہیں،پاکستان نیوکلیئرتوانائی کےحصول کے لئے بین الاقوامی تعاون چاہتا ہے۔
داعش کے حوالے سے قاضی خلیل اللہ کہنا تھا کہ داعش کی مذمت کرتے ہیں اور کسی صورت داعش کو ملک میں برداشت نہیں کریں گے اور نہ ہی پاکستان اپنی سرزمین کسی کو استعمال نہیں کرنے دے گا۔ انہوں نے افغانستان حملوں میں پاکستانی ایجنسیوں کے ملوث ہونے سے متعلق خبروں کو بے بنیاد اور جھوٹ قرار دیتے ہوئے کہا کہ پاکستان افغانستان میں امن کا خواہاں ہے، دہشت گردی کسی بھی صورت میں ہو اس کی مخالفت کرتے ہیں۔ 30 لاکھ افغانوں کو پاکستان نے پناہ دی ہے، ایسی صورت حال میں افغانستان کے الزامات افسوسناک ہیں۔
ترجمان دفتر خارجہ نے کہا کہ شیوسینا کی جانب سے پاکستانی فنکاروں کودھمکیاں ملنا افسوس ناک ہے، پاکستان میں بھارتی مداخلت کے شواہد اقوام متحدہ کے سیکرٹری جنرل کو دے دیئے گئے ہیں۔ وزیراعظم نواز شریف کا 4 نکاتی فارمولا ہی دونوں ملکوں کے درمیان آگے بڑھنے کا  قابل عمل راستہ ہے، جلد یا بدیر بھارت کو اس کا احساس ہوجائے گا۔ گائے کے ذبیحے کے معاملے پر مسلمانوں پر تشدد قابل افسوس ہے، بھارت دنیا میں گائےکےگوشت کادوسراسب سے بڑا برآمدکنندہ ہے، گائے کے گوشت کی برآمد گائے ذبح کئے بغیر نہیں ہوسکتی، خود کو دنیا کی سب سے بڑی جمہوری اور سسیکولر ریاست کہنے والے بھارت کو اقلیتوں کے حقوق کا تحفظ کرنا چاہیے۔

Clear

25°C

اسلام آباد

Clear
Humidity: 81%
Wind: NE at 6.44 km/h
Tuesday 22°C / 28°C Thunderstorms
Wednesday 23°C / 29°C Thunderstorms
Thursday 22°C / 27°C Thunderstorms
Friday 21°C / 24°C Thunderstorms
Saturday 22°C / 28°C Thunderstorms
Sunday 23°C / 28°C Thunderstorms
Monday 23°C / 28°C Sunny

تازہ ترین خبریں

کالم / بلاگ