ہیڈلائنز


آرمی چیف کے پوسٹرز اور بینرز سے کسی کو پریشان نہیں ہونا چاہیے، خورشید شاہ

Written by | روزنامہ بشارت

اسلام آباد: قومی اسمبلی میں قائد حزب اختلاف اور پیپلز پارٹی کے رہنما سید خورشید شاہ کہتے ہیں کہ وزیر اعظم نواز شریف کی ناکامی دیگر سیاسی جماعتوں کو آئندہ انتخابات میں کامیابی دے گی۔ پارلیمنٹ ہاؤس اسلام آباد میں میڈیا سے بات کرتے ہوئے خورشید شاہ نے کہا کہ وہ وزیراعظم نوازشریف نہیں جمہوریت کو بچانے کی بات کررہے ہیں۔ ملک کو آئین اور ایٹم بم سمیت سب کچھ سیاست دانوں نے دیا، وہ سمجھتے ہیں کہ سیاست دانوں کا احتساب انتخابات کے ذریعے ہونا چاہیئے۔  وزیراعظم نواز شریف کی ناکامی دیگر سیاسی جماعتوں کو آئندہ انتخابات میں کامیابی دے گی۔
ایم کیو ایم کے استعفوں سے متعلق پیپلز پارٹی کے رہنما کا کہنا تھا کہ چیئرمین سینیٹ رضا ربانی میرٹ پر ڈٹ جانے والے انسان ہیں، ایم کیو ایم کے استعفوں پر  وہ کیا رولنگ دیں گے کچھ کہہ نہیں سکتے۔ ہم عدالتوں کا احترام کرتے ہیں اور کرتے رہیں گے، ایم کیوایم کے استعفوں کے معاملے پر سپریم کورٹ کا اسپیکر اور سیاستدانوں کو نوٹس دینے کی خبریں ہیں لیکن انہیں اب تک نوٹس نہیں ملا ، اگر عدالت نے انہیں بلایا تو وہ ضرور جائیں گے۔
کسان پیکیج پر خورشید شاہ نے کہا کہ حکومت نے زرعی شعبے کو تباہ کر دیا، سندھ حکومت کے پاس آج بھی گندم کی ایک کروڑ60 لاکھ بوریاں پڑی ہیں،حکومت کسان پیکیج جھوٹ کا پلندہ ہے جسے ہم رد کرتے ہیں، کسان پیکیج اتنا پیچیدہ ہے کہ وزیراعظم خود بھی اسے سمجھ نہیں سکتے، وزیراعظم نواز شریف اگر مخلص ہیں تو وہ کسانوں کوامدادی قیمت دیں، کسان پیکیج حکومت کو بلدیاتی انتخابات میں نقصان پہنچائے گا۔ خورشید شاہ نے کہا کہ آرمی چیف کے پوسٹرزاوربینرزسےکسی کوپریشان نہیں ہوناچاہیے، عوام ان سے محبت میں ایسا کر رہے ہیں جب کہ آرمی چیف اچھا کام کر رہے ہیں تو ان کی حمایت بھی کرنا چاہیئے۔


Read Basharat Online

 

 

PentaBuilders

روزنامہ بشارت ٹویٹر


Follow Daily_Basharat on Twitter
Thunderstorms

26°C

اسلام آباد

Thunderstorms
Humidity: 76%
Wind: ENE at 11.27 km/h
Tuesday 26°C / 29°C Thunderstorms
Wednesday 22°C / 27°C Thunderstorms
Thursday 22°C / 25°C Thunderstorms
Friday 22°C / 29°C Mostly sunny
Saturday 22°C / 31°C Mostly sunny
Sunday 25°C / 32°C Thunderstorms
Monday 23°C / 31°C Thunderstorms

تازہ ترین خبریں

کالم / بلاگ