ہیڈلائنز


نواز حکومت پیٹرولیم مصنوعات کے ذریعے ڈھائی ارب روپے ٹیکس لے رہی ہے، خورشید شاہ

Written by | روزنامہ بشارت
اسلام آباد: قومی اسمبلی میں قائد حزب اختلاف خورشید شاہ کا کہنا ہے کہ حکومت کو یومیہ صرف پیٹرولیم مصنوعات سے ڈھائی ارب روپے سے زائد رقم حاصل ہوتی ہے اس لئے پیٹرولیم مصنوعات کی قیمت میں کمی کا فائدہ عوام کوجانا چاہئے۔ اسلام آباد مین میڈیا سے بات کرتے ہوئے خورشید شاہ نے کہا کہ چوہدری نثار جب قائد حزب اختلاف تھے تو وہ پیٹرولیم مصنوعات پر لیوی کو جگا ٹیکس کہتےتھے لیکن اب حکومت نے لیوی پر بھی سیلز ٹیکس عائد کرکے اس جگا ٹیکس پر بھی بھتہ ٹیکس لگا دیا ہے۔ عالمی مارکیٹ میں خام تیل کی موجودہ قیمت کے حساب سے ہائی اسپیڈ ڈیزل کی قیمت 39 روپے فی لیٹربنتی ہے لیکن حکومت نے ڈیزل پر 45 روپے ٹیکس عائد کردیا ہے، اس طرح حکومت کو صرف ڈیزل پر ٹیکسوں کی مد میں یومیہ ایک ارب 15 کروڑ روپے حاصل ہوتےہیں۔ قائد حزب اختلاف کا کہنا تھا کہ پیٹرول کی اصل قیمت 40 روپے ایک پیسہ فی لیٹر بنتی ہے اس طرح حکومت کو پٹرول سے ٹیکسوں کی مد میں ہر 58 کروڑ روپے ملتے ہیں، اگر تمام پیٹرولیم مصنوعات پر عائد ٹیکس کا تخمینہ لگایا جائے تو حکومت کو یومیہ صرف پیٹرولیم مصنوعات سے ڈھائی ارب روپے سے زائد رقم حاصل ہوتی ہے جو سالانہ 900 ارب روپے سے زائد بنتے ہیں۔ خورشید شاہ کا کہنا تھا کہ حکومت ملک کو سیکیورٹی نہیں فلاحی ریاست بنائے، پیٹرولیم مصنوعات کی قیمت میں کمی کا فائدہ عوام کوجانا چاہئے، وہ ٹیکس ضرور لے لیکن اس حد تک کہ غریب نہ پسے۔
Clear

25°C

اسلام آباد

Clear
Humidity: 78%
Wind: NNW at 11.27 km/h
Friday 25°C / 31°C Thunderstorms
Saturday 25°C / 29°C Thunderstorms
Sunday 22°C / 28°C Thunderstorms
Monday 22°C / 27°C Thunderstorms
Tuesday 23°C / 28°C Thunderstorms
Wednesday 21°C / 28°C Thunderstorms
Thursday 22°C / 28°C Thunderstorms

تازہ ترین خبریں

کالم / بلاگ