ہیڈلائنز


پاکستان سے ’’ایسٹ ترکستان اسلامک موومنٹ‘‘ کا صفایا کر دیا، صدر ممنون حسین

Written by | روزنامہ بشارت

بیجنگ: صدر ممنون حسین نے چین کے صدر کو کہا ہے کہ پاک فوج نے اپنی سرحدوں میں موجود ایغور دہشت گرد گروپ ایسٹ ترکستان اسلامک موومنٹ کے تمام ارکان کو ختم کردیا ہے۔ غیر ملکی خبر ایجنسی کے مطابق بیجنگ میں صدر ممنون حسین نے چین کے ہم منصب ژی جن پنگ سے ملاقات کی، ملاقات کے دوران صدر ممنون حسین نے کہا کہ پاکستان میں دہشت گردوں کے خلاف آپریشن ضرب عضب کامیابی سے جاری ہے، یہ آپریشن ملک میں موجود غیر ملکی دہشت گرد تنظیم ’’ایسٹرن ترکستان اسلامک موومنٹ‘‘ کے خلاف بھی کافی موثر ثابت ہوا ہے۔ پاکستان سے ’’ایسٹرن ترکستان اسلامک موومنٹ‘‘ کا صفایا کردیا گیا ہے، اگر اس گروپ کے لوگ موجود بھی ہیں تو ان کی تعداد انتہائی کم ہے۔ صدر ممنون حسین سے ملاقات کے دوران چین کے صدر ژی جن پنگ نے کہا کہ پاکستان کی قومی سلامتی کے تحفظ کے لئے چین اپنی بھر پور حمایت جاری رکھے گا۔
دوسری جانب سرکاری نشریاتی ادارے کا کہنا ہے کہ چین کے ہم منصب ژی جن پنگ سے ملاقات کے دوران صدر ممنون حسین نے کہا کہ پاکستان میں دہشت گردوں کے خاتمے کے لئے آپریشن ضرب عضب کامیابی سے جاری ہے، پاکستان اور چین کے درمیان خوش گوار اور آزمودہ دوستی ہے۔ پاکستان میں چینی باشندوں کا تحفظ ہرقیمت پر یقینی بنایا جائے گا۔ ملاقات کے دوران دونوں ممالک نے پاک چین اقتصادی راہداری کو ترجیحی بنیادوں پر مکمل کرنے کے عزم کا اظہار کیا ہے۔ واضح رہے کہ چین کے مسلم اکثریتی صوبے سنکیانگ میں کئی برسوں سے علیحدگی پسندوں کی جانب سے پرتشدد کارروائیاں جاری ہیں، چین کا موقف ہے کہ ان کارروائیوں میں دہشتگرد تنظیم ’’ایسٹرن ترکستان اسلامک موومنٹ‘‘ ہے جس کے ٹھکانے پاکستان کے قبائلی علاقوں اور افغانستان میں ہیں۔

Sunny

25°C

اسلام آباد

Sunny
Humidity: 54%
Wind: W at 6.44 km/h
Thursday 23°C / 30°C Scattered thunderstorms
Friday 22°C / 30°C Sunny
Saturday 22°C / 30°C Sunny
Sunday 23°C / 30°C Sunny
Monday 24°C / 31°C Sunny
Tuesday 27°C / 31°C Scattered thunderstorms
Wednesday 26°C / 30°C Scattered thunderstorms

تازہ ترین خبریں

کالم / بلاگ