ہیڈلائنز


21ویں ترمیم اورفوجی عدالتیں جائز قرار دینے کا فیصلہ سپریم کورٹ میں چیلنج

Written by | روزنامہ بشارت

اسلام آباد: اکیسویں ترمیم اور فوجی عدالتوں کو جائز قرار دینے کا فیصلہ سپریم کورٹ میں چیلنج کردیا گیا۔لاہور بار ایسو سی ایشن نے فوجی عدالتوں کے بارے سپریم کورٹ کے فیصلے پر نظر ثانی کرکے اکیسویں آئینی ترمیم اور فوجی عدالتوں کے قیام کو آئین کے بنیادی خد وخال،اصولوں اور عدلیہ کی آزادی کے ساتھ متصادم قرار دے کر کالعدم کرنے کی استدعا کی ہے۔
فیصلے کیخلاف نظر ثانی درخواست میں بیس قانونی سوالات اٹھائے گئے ہیں اور موقف اپنایا گیا ہے کہ کیا سپریم کورٹ کا اکثریتی فیصلہ تضادات کا شکا ر اور بنیادی آئینی اصولوں سے متصادم نہیں ہے؟جب ایک طرف اکثریتی فیصلے میں جمہوریت، پارلیمانی طرز حکومت اور عدلیہ کی آزادی آئین کے بنیادی خدو خال قرار دئیے گئے ہیں تو پھر فوجی عدالتوں کو استثناء کیسے دیا جا سکتا ہے کہ اس سے عدلیہ کی آزادی متاثر نہیں ہوگی۔ فوجی عدالتوں کو سویلین کے ٹرائل کی اجازت نہیں دی جا سکتی۔
اکثریتی فیصلے میں ایک طرف فوجی عدالتوں کو جائز قراردیا گیا اور دوسری طرف اعلٰی عدلیہ کو اس پر جائزے کا اختیار دیا گیا ہے، یہ دونوں چیزیں متصادم ہیںاور شیخ لیاقت حسین کیس میں سپریم کورٹ کے اپنے فیصلے سے روگردانی کی گئی جس میں واضح الفاظ میں کہا گیا تھا کہ فوج کو سویلین کے ٹرائل کا اختیار نہیں دیا جا سکتا۔
فوجی عدالتوں کو مان کرسپریم کورٹ نے عدلیہ اورعدالتی نظام کی ناکامی کو تسلیم کر لیا ہے،مستقبل میں اس فیصلے کے تباہ کن اثرات مرتب ہونگے کیونکہ دہشتگردی کو اکھاڑنا عدلیہ کی نہیں انتظامیہ کی ذمہ داری ہے۔دہشتگردوں کو پکڑنا ،تفتیش اور استغاثہ دائر کرنا حکومت کی آئینی ذمے داری ہے۔
حکومت کی ذمہ داری ہے کہ وہ ججوں کو تحفظ دے لیکن سپریم کورٹ نے ذمے داری خود لے کر اپنے خلاف فیصلہ دیا ۔اکثریتی فیصلہ آئین کے بنیا دی اصولوں اورانسانی حقوق سے بھی روگردانی ہے،ملزمان سے شفاف ٹرائل اور انصاف تک رسائی کا بنیادی حق چھینا گیا ہے،عوام سے ان کے آئینی اور شہری حقوق نہیں چھینے جا سکتے۔

Sunny

13°C

اسلام آباد

Sunny
Humidity: 48%
Wind: SE at 6.44 km/h
Tuesday 9°C / 13°C Rain
Wednesday 6°C / 15°C Sunny
Thursday 6°C / 15°C Sunny
Friday 10°C / 16°C Sunny
Saturday 10°C / 16°C Partly cloudy
Sunday 10°C / 15°C Mostly sunny
Monday 7°C / 13°C Partly cloudy

تازہ ترین خبریں

کالم / بلاگ