ہیڈلائنز


پاکستان نے کشمیر کاز پر ڈٹتے ہوئے دولت مشترکہ کانفرنس کی میزبانی قربان کردی

Written by | روزنامہ بشارت

اسلام آباد: پاکستان نے ایک مرتبہ پھر کشمیر سے متعلق اپنے موقف پر ڈٹتے ہوئے دولت مشترکہ کانفرنس کی میزبانی کی قربانی دے دی۔ تفصیلات کے مطابق دولت مشترکہ کی پارلیمانی کانفرنس 31 ستمبر سے 8 اکتوبرتک پاکستان میں ہونا تھی تاہم مقبوضہ کشمیر کے اسپیکر کو دعوت نہ دینے پر بھارت نے دولت مشترکہ کی پاکستان میں ہونے والی پارلیمانی کانفرنس کے لئے لابنگ شروع کردی تھی لیکن پاکستان نے اپنے موقف پر قائم رہتے ہوئے کانفرنس کی میزبانی کی قربانی دے دی۔
اسلام آباد میں پریس کانفرنس کرتے ہوئے اسپیکرقومی اسمبلی ایازصادق کا کہنا تھا کہ دولت مشترکہ کے لندن سیکرٹریٹ پرواضح کردیا ہے کہ کشمیر متنازع علاقہ ہے اس لئے مقبوضہ کشمیر کے اسپیکر کوکانفرنس میں مدعو نہیں کیا گیا تاہم بھارت کی جانب سے طے کردہ شرائط پر پاکستان میں کانفرنس نہیں ہوگی۔ انہوں نے کہا کہ بھارت  بضد ہے کہ مقبوضہ کشمیر کے اسپیکر کو کانفرنس میں دعوت دی جائے تاہم پاکستان کشمیر کے معاملے پرکوئی لچک کا مظاہرہ نہیں کرے گا جب کہ پاکستان کو نظرثانی کے لئے کہا جارہا ہے لیکن پاکستان ایسی کی شرط کو تسلیم نہیں کرے گا جو پاکستان کے موقف کی نفی کرے اوریہ ممکن نہیں کہ کشمیر پرکوئی اورفیصلہ کرے۔
اسپیکرقومی اسمبلی کا کہنا تھا کہ پاکستان کشمیر کاز کو کسی صورت نظرانداز نہیں کرسکتا، اب پاکستان میں کانفرنس ہونے کا سوال ہی پیدا نہیں ہوتا اور بھارت کی جانب سے طے کردہ شرائط پر پاکستان میں کانفرنس نہیں ہوگی،سی پی اے کے ایگزیکٹیو کمیٹی کے سامنے اپنا موقف پیش کریں گے اور کشمیر کے معاملے کو دولت مشترکہ کے ہر فورم پراٹھائیں گے۔
واضح رہے کہ دولت مشترکہ کے تمام ممالک کے اسپیکرز کو پاکستان میں ہونے والی کانفرنس میں شرکت کرنا تھی جس میں متنازع علاقہ ہونے کے باعث مقبوضہ کشمیر کے اسپیکر کو پاکستان کی جانب سے مدعو نہیں کیا تھا جس پر بھارت نے پاکستان میں کانفرنس کے انعقاد نہ کرانے کے لئے لابنگ شروع کردی تھی تاہم پاکستان کانفرنس کی میزبانی کی قربانی دیتے ہوئے مسئلہ کشمیرپراپنے موقف پرقائم ہے۔

Clear

18°C

اسلام آباد

Clear
Humidity: 41%
Wind: NNW at 11.27 km/h
Wednesday 20°C / 29°C Sunny
Thursday 20°C / 29°C Sunny
Friday 20°C / 29°C Sunny
Saturday 21°C / 29°C Sunny
Sunday 21°C / 27°C Sunny
Monday 19°C / 25°C Scattered thunderstorms
Tuesday 18°C / 25°C Sunny

تازہ ترین خبریں

کالم / بلاگ