ہیڈلائنز


حکومت استعفے قبول کرے، الیکشن لڑ کر بھاری اکثریت سے واپس آئیں گے، عمران خان

Written by | روزنامہ بشارت

اسلام آباد: پاکستان تحریک انصاف کے چیئرمین عمران خان نے کہا ہے کہ پارٹی کے فیصلوں کو کھلے عام چیلنج کرنے والوں کے خلاف کارروائی ہوگی اور اب کوئی بھی میڈیا میں جاکر پارٹی کےخلاف بولا تو نکال دیا جائے گا۔ اسلام آباد میں میڈیا سے گفتگو کرتے ہوئے ان کا کہنا تھا کہ وہ پارٹی سے سفارش کریں گے کہ ہمیں ایوان میں جانے کی ضرورت نہیں ہے۔ عمران خان نے حکومت کو چیلنج کرتے ہوئے کہا کہ ہمارے استعفے منظور کیے جائیں۔ ان کا کہنا تھا کہ حکومت آج استعفے قبول کرے، کل سے انتخابی مہم چلائیں گے اور الیکشن لڑ کر بھاری اکثریت سے واپس آئیں گے۔ انہوں نے کہا کہ سندھ اور پنجاب میں بلدیاتی انتخابات کے بعد انٹرا پارٹی اانتخابات کا انعقاد کیا جائے گا اور تسنیم نورانی پی ٹی آئی الیکشن کمیشن کے سربراہ ہوں گے۔ عمران خان نے کہا کہ بلدیاتی الیکشن ختم ہوتے ہی ممبرشپ مہم شروع کریں گے جبکہ تحریک انصاف میں کوئی قبضہ گروپ موجود نہیں ہے۔ عمران خان نے دعویٰ کیا کہ خیبرپختونخوا میں ان کا ووٹ بینک بڑھ گیا ہے۔ انہوں نے کہا کہ ہر سیاسی جماعت میں دھڑےبندی ہوتی ہے، قبضہ گروپ کی باتیں کرنے والے عہدے چاہتے ہیں، پارٹی میں الیکشن ہوں گے، جو چاہتا ہے الیکشن لڑکر آگے آئے۔ تحریک انصاف کے چیئرمین نے کہا کہ پارٹی آئین کو حتمی شکل دینے کے بعد صدر کے عہدے کا فیصلہ کیا جائے گا جبکہ پارٹی براہ راست لوگوں کو منتخب کرائے گی۔

Sunny

29°C

اسلام آباد

Sunny
Humidity: 48%
Wind: WSW at 11.27 km/h
Thursday 23°C / 30°C Scattered thunderstorms
Friday 22°C / 30°C Sunny
Saturday 22°C / 30°C Sunny
Sunday 23°C / 30°C Sunny
Monday 24°C / 31°C Sunny
Tuesday 27°C / 31°C Scattered thunderstorms
Wednesday 26°C / 30°C Scattered thunderstorms

تازہ ترین خبریں

کالم / بلاگ