ہیڈلائنز


بھارت نے پاک چین اقتصادی راہداری منصوبے کو سبوتاژ کرنے کا منصوبہ بنا لیا

Written by | روزنامہ بشارت

نئی دہلی: بھارت نے پاک چین اقتصادی راہداری منصوبے کو سبوتاژ کرنے کا منصوبہ بنا لیا جس کی تمام تر ذمے داری بھارتی خفیہ ایجنسی را کو سونپ دی گئی ہے۔ میڈیا رپورٹس کے مطابق بھارت نے سانحہ گیاری، بلوچستان سمیت پاکستان کے دیگر شہروں میں دہشتگردی پھیلانے کے بعد اب پاکستان اور چین کے درمیان 46ارب ڈالر کے تاریخی منصوبے کو سبوتاژ کرنے کیلیے سازشیں اور بڑے پیمانے پر خوفناک منصوبہ بندی شروع کر دی ہے۔ اس سلسلے میں ’’را ‘‘ کا خصوصی یونٹ تشکیل دیے جانے کا انکشاف ہوا ہے۔ انیل دھاسمانا کو نئے یونٹ کا سربراہ مقرر کیا گیا ہے جو براہ راست سیکریٹری ’’را‘‘ کو رپورٹ کریں گے۔ انیل دھاسمانا کو ٹیم ممبر کے طور پر 3 افسران دیے گئے ہیں جن میں میجر جنرل راجیشور سنگھ اور 2جوائنٹ سیکرٹریز جے ایس رمیش اور وویک کے جوہری شامل ہیں۔ انھیں پاک چین اقتصادی راہداری کو متنازع بنانے کیلیے مختلف ٹاسک دیے گئے ہیں۔ میجر جنرل راجیشو سنگھ کو پاک چین اقتصادی راہداری منصوبے کو سبوتاژ کرنے کیلئے گوادر ایکسپریس وے پر دہشتگرد کارروائی کا ٹاسک سونپا گیا ہے۔ جے ایس رمیش کو بلوچستان میں پاک چین منصوبے کو متنازع بنانے کیلیے ٹاسک سونپا گیا ہے جبکہ ویوک جوہری آزادکشمیر اور گلگت بلتستان میں ڈیجیٹل نیٹ ورک میں خلل ڈالنے کا بھی منصوبہ تیار کریں گے۔ وہ منصوبے کی فنڈنگ کے بھی ذمہ دار ہونگے۔

Clear

10°C

اسلام آباد

Clear
Humidity: 63%
Wind: NNW at 11.27 km/h
Wednesday 10°C / 19°C Sunny
Thursday 10°C / 18°C Partly cloudy
Friday 11°C / 20°C Partly cloudy
Saturday 12°C / 20°C Sunny
Sunday 12°C / 18°C Sunny
Monday 11°C / 16°C Partly cloudy
Tuesday 12°C / 16°C Sunny

تازہ ترین خبریں

کالم / بلاگ