ہیڈلائنز


نریندر مودی روس میں وزیراعظم نواز شریف سے ملاقات کرینگے، بھارتی میڈیا

Written by | روزنامہ بشارت

نئی دلی: بھارتی میڈیا نے دعویٰ کیا ہے کہ روس میں شنگھائی تعاون تنظیم کے اجلاس کے بعد 10 جولائی کو پاک بھارت وزرائے اعظم ملاقات طے پاگئی ہے۔ بھارتی میڈیا کے مطابق روس کے شہر اوفا میں شنگھائی تعاون تنظیم کا دو روزہ اجلاس 9 جولائی سے شروع ہوگا جس میں وزیر اعظم نواز شریف کے علاوہ بھارتی ہم منصب نریندرمودی بھی شریک ہوں گے، نریندر مودی کی جانب سے رمضان المبارک کے آغاز پر وزیراعظم نواز شریف کو کئے گئے فون کے بعد دونوں ممالک کے درمیان کشیدگی میں کمی آئی ہے، جس کی وجہ سے اجلاس کے بعد دونوں وزرائےاعظم کی ملاقات طے پاگئی ہے۔ بھارتی وزارت خارجہ کے ذرائع نے اس ملاقات کی تصدیق کی ہے تاہم اس کا ایجنڈا بتانے سے گریز کیا۔ واضح رہے کہ دونوں ملکوں کے وزرائے اعظم کے درمیان آخری ملاقات گزشتہ برس نیپال میں سارک سربراہی کانفرنس کے اجلاس کے دوران ہوئی تھی۔

Clear

22°C

اسلام آباد

Clear
Humidity: 66%
Wind: N at 11.27 km/h
Wednesday 23°C / 30°C Sunny
Thursday 23°C / 30°C Sunny
Friday 22°C / 30°C Sunny
Saturday 25°C / 30°C Sunny
Sunday 21°C / 30°C Sunny
Monday 23°C / 29°C Mostly sunny
Tuesday 24°C / 30°C Mostly sunny

تازہ ترین خبریں

کالم / بلاگ