ہیڈلائنز


پاکستان کو دہشتگردوں سے آزاد کرانے تک نہیں رکیں گے، جنرل راحیل شریف

Written by | روزنامہ بشارت

راولپنڈی: آرمی چیف جنرل راحیل شریف نے آپریشن ضرب عضب میں کامیابیوں کو سراہتے ہوئے کہا ہے کہ آپریشن دہشت گردوں اور ان کے مددگاروں کے خاتمے تک ہر قیمت پر جاری رہے گا۔ آرمی چیف جنرل راحیل شریف نے آپریشن ضرب عضب میں کامیابیوں کو سراہتے ہوئے کہا ہے کہ آپریشن دہشت گردوں اور ان کے مددگاروں کے خاتمے تک ہر قیمت پر جاری رہے گا۔ آئی ایس پی آر کے مطابق آرمی چیف جنرل راحیل شریف نے شمالی وزیرستان سے ملحقہ پاک افغان سرحدی علاقے کا دورہ کیا جہاں انہیں فوجی آپریشنز اور شوال کے علاقے کو کلیئر کرنے پر بریفنگ دی گئی اس موقع پر فارمیشن کمانڈرز نے شوال میں آئندہ کے پلان، آپریشن ضرب عضب میں پیش رفت پر بھی بریفنگ دی۔

ترجمان کا کہنا تھا کہ پاک فوج کے سربراہ نے شوال خالی کرانے والوں جوانوں سے ملاقات کرکے انہیں شاباش دی اور ان کی قربانیوں اور مورال کی تعریف کرتے ہوئے کہا کہ ان کے لیے یہ بات باعث فخر ہے کہ وہ ایک بہترین اور جنگی مہارت کی حامل فوج کی سربراہی کررہے ہیں۔ جنرل راحیل شریف نے سکیورٹی فورسز کی ان خصوصی ٹیموں کی بھی تعریف کی جنہوں نے شہری علاقوں میں خفیہ معلومات کی بنیاد پر آپریشنز کیے اور دور دراز علاقوں میں دہشت گردوں کے ٹھکانوں اور شہروں میں شدت پسندوں کے ’’سلیپر سیلز‘‘ کے درمیان رابطوں کا خاتمہ کیا۔
آئی ایس پی آر کے مطابق آرمی چیف جنرل راحیل شریف نے متعلقہ حکام پر زور دیا کہ وہ دہشت گردوں، ان کے سہولت کاروں اور مالی معاونت کرنے والوں کی گرفتاری تک بلا امتیاز طریقے سے ان آپریشنز کو جاری رکھیں۔ انہوں نے کہا کہ دہشت گردوں کے خلاف بلامذہب، رنگ و نسل کارروائی جاری رہے گی، آپریشن دہشت گردوں اور ان کے مددگاروں کے خاتمے تک ہر قیمت پر جاری رہے گا اور ہم دہشت گردی سے پاک پاکستان بنانے تک نہیں رکیں گے۔
ترجمان پاک فوج کے مطابق آرمی چیف جنرل راحیل شریف نے جنوبی وزیرستان میں وانا کا بھی دورہ کیا جہاں انہیں بحالی اور تعمیر نو سے متعلقہ امور پر بریفنگ دی گئی، اس موقع پر جنرل راحیل شریف نے کہا کہ علاقے میں امن اور خوشحالی کے لیے فوجی آپریشنز میں ملنے والی کامیابیوں کو تقویت دی جائے جب کہ پاک فوج کے سربراہ نے نقل مکانی کرنے والے افراد کی مشکلات اور قربانیوں کو بھی سرہا اور متعلقہ اداروں پر زور دیا کہ وہ ان کی باعزت اور جلد واپسی یقینی بنانے کے لیے اقدامات کریں۔
دوسری جانب ذرائع کا کہنا ہےکہ پاک فوج کی جانب سے شمالی وزیرستان میں دہشت گردوں کے آخری گڑھ ’’وادی شوال‘‘ میں زمینی آپریشن کی منظوری دے دی گئی ہے، ذرائع نے بتایا کہ زمینی کارروائی کی منظوری شمالی وزیرستان میں آرمی چیف جنرل راحیل شریف کے دورے میں دی جانے والی بریفنگ کے دوران دی گئی۔

Sunny

9°C

اسلام آباد

Sunny
Humidity: 54%
Wind: NW at 17.70 km/h
Sunday 8°C / 16°C Partly cloudy
Monday 10°C / 19°C Partly cloudy
Tuesday 11°C / 19°C Partly cloudy
Wednesday 12°C / 19°C Sunny
Thursday 11°C / 18°C Sunny
Friday 10°C / 17°C Sunny
Saturday 10°C / 17°C Mostly cloudy

تازہ ترین خبریں

کالم / بلاگ