ہیڈلائنز


کراچی میں ہلاکتوں پر اپوزیشن جماعتوں کا جمعے کو ملک گیر یوم سیاہ منانے کا اعلان

Written by | روزنامہ بشارت

 اسلام آباد: اپوزیشن جماعتوں نے کراچی میں شدید گرمی اور لوڈ شیڈنگ کے باعث ہونے والی ہلاکتوں پر ملک بھر میں یوم سیاہ منانے کا اعلان کردیا ہے۔ پارلیمنٹ ہاؤس اسلام آباد میں قومی اسمبلی کے اجلاس سے قبل قائد حزب اختلاف سید خورشید شاہ کی سربراہی میں اپوزیشن جماعتوں کا اجلاس ہوا۔ اجلاس میں تحریک انصاف، ایم کیوایم  اور جماعت اسلامی کے ارکان نے شرکت کی، اجلاس میں فیصلہ کیا گیا کہ کراچی میں شدید گرمی کے دوران لوڈ شیڈںگ کے باعث لوگوں کی ہلاکتوں کی ذمہ دار حکومت ہے۔ اس لئے قومی اسمبلی میں صرف لوڈشیڈنگ کے معاملے پر ہی بات کی جائے گی۔ اس کے علاوہ جمعے کو ملک بھر میں یوم سیاہ منایا جائے گا۔ اجلاس کے بعد میڈیا سے بات کرتے ہوئے خورشید شاہ نے کہا کہ کراچی میں بجلی نہ ہونے سے سیکڑوں افراد جاں بحق ہوگئے ہیں جو المیہ ہے، ایک جگہ لوگ بجلی نہ ہونے سے مررہے ہیں اور دوسری جانب میٹرو بس منصوبے پر اربوں روپے لگائے جارہے ہیں، میٹرو بہت اچھی ہوگی مگر لوگوں کی زندگیوں سے قیمتی نہیں ہے. اس وقت اگر سابق چیف جسٹس افتخار محمد چوہدری ہوتے تو اس معاملے کا از خود نوٹس ضرور لیتے۔ قومی اسمبلی کے اجلاس کے بعد پارلیمنٹ ہاؤس کے باہر کراچی میں شدید گرمی سے ہلاک ہونے والے افراد کی غائبانہ نماز جنازہ بھی ادا کی گئی۔ جس میں اپوزیشن جماعتوں کے ارکان کے علاوہ وفاقی وزیر خزانہ اسحاق ڈار اور وزیر مملکت پانی و بجلی عابد شیر علی نے بھی شرکت کی۔

Cloudy

8°C

اسلام آباد

Cloudy
Humidity: 75%
Wind: NNW at 11.27 km/h
Friday 5°C / 13°C Sunny
Saturday 5°C / 14°C Sunny
Sunday 7°C / 16°C Partly cloudy
Monday 10°C / 18°C Mostly cloudy
Tuesday 12°C / 18°C Mostly sunny
Wednesday 12°C / 17°C Sunny
Thursday 10°C / 17°C Sunny

تازہ ترین خبریں

کالم / بلاگ