ہیڈلائنز


آخری دہشتگرد کے خاتمے تک آپریشن جاری رہے گا، جنرل راحیل شریف

Written by | روزنامہ بشارت

راولپنڈی: پاک فوج کے فارمیشن کمانڈرز نے پاکستان کو غیر مستحکم کرنے کے بھارتی منصوبوں کو شکست دینے کے عزم کا اظہار کیا ہے جب کہ سربراہ پاک فوج کا کہنا تھا کہ کسی کو پاکستان کی طرف میلی آنکھ سے دیکھنے نہیں دیں گے۔ آئی ایس پی آر کے جاری کردہ بیان کے مطابق جنرل ہیڈ کوارٹرز راولپنڈی میں آرمی چیف جنرل راحیل شریف کی سربراہی میں پاک فوج کی فارمیشن کمانڈرز کانفرنس ہوئی۔ جس میں ملک کی اندرونی وبیرونی سیکیورٹی صورت حال اوردہشت گردی کےخلاف جاری آپریشنز میں ہونے والی پیش رفت کا جائزہ لیا گیا۔ کانفرنس کے دوران دہشت گردی کےخلاف جنگ میں شہید افسروں اور جوانوں کو خراج عقیدت کیا گیا۔
آرمی چیف نے کہا کہ پاکستانی قوم پوری دنیا میں سب سے زیادہ پرامن قوم ہے،قوم کی مدداورحمایت سےملک کودہشت گردی سے پاک کردیں گے، ہمارا بنیادی اوراجتماعی مقصد پاکستان کو محفوظ بنانا ہے، کسی کو بھی پاکستان کی جانب میلی آنکھ سے دیکھنے نہیں دیں گے، پاکستان کی علاقائی سالمیت اور خودمختاری کا ہر صورت دفاع کیا جائے گا، اس وقت پاک افغان سرحدی علاقے میں جنگ جاری ہے، شمالی وزیرستان اور خیبرایجنسی میں شدت پسندوں کے ٹھکانے تباہ کردئیے، آخری دہشت گرد کے خاتمے تک آپریشن جاری رہے گا۔ قوم کی مدد اور حمایت سے ملک کو دہشت گردی سے پاک کردیں گے۔
فارمیشن کمانڈرز کانفرنس میں بھارت کے حالیہ رویے اور بیانات کا سختی سے نوٹس لیا گیا۔ فارمیشن کمانڈرز نے ملک کو محفوظ ، مستحکم اور خوشحال بنانے کے عزم کا اعادہ کرتے ہوئے کہا کہ بھارتی سیاستدانوں کا دوسرے ملکوں کے معاملات میں مداخلت کرکےاقوام متحدہ کے چارٹر کی خلاف ورزی پر فخر افسوس ناک ہے، بھارت کے ظاہری اور پوشیدہ عزائم پاکستان کو غیر مستحکم کرنے کی کوششیں ہیں، پاکستان کی علاقائی سالمیت اور خودمختاری کا ہر صورت دفاع کیا جائے گا۔ پاکستان کو غیر مستحکم کرنے کے بھارتی منصوبوں اور بھارتی سیاستدانوں کے عزائم کو شکست دی جائے گی۔

Thunderstorms

25°C

اسلام آباد

Thunderstorms
Humidity: 82%
Wind: NW at 6.44 km/h
Monday 23°C / 28°C Thunderstorms
Tuesday 22°C / 28°C Thunderstorms
Wednesday 23°C / 29°C Thunderstorms
Thursday 22°C / 26°C Thunderstorms
Friday 21°C / 26°C Thunderstorms
Saturday 21°C / 27°C Thunderstorms
Sunday 23°C / 28°C Sunny

تازہ ترین خبریں

کالم / بلاگ