ہیڈلائنز


تحریک انصاف ابھی بھی منظم پارٹی نہیں بن سکی، عمران خان نے اعتراف کر لیا

Written by | روزنامہ بشارت
اسلام آباد: تحریک انصاف کے چیئرمین عمران خان نے کہا ہے کہ تحریک انصاف ابھی منظم پارٹی نہیں بن سکی، معلوم ہوتا ہے کہ رواں سال ہی عام انتخابات ہوں گے جس کے بعد تحریک انصاف اپنی حکومت بنائے گی، کنٹونمنٹ انتخابات میں تحریک انصاف قومی پارٹی بن کر ابھری ہے۔ کورنگ نالہ کی صفائی مہم اور یوتھ کنونشن سے خطاب کرتے ہوئے عمران خان نے کہاکہ اگر تحریک انصاف میدان میں نہ آتی تو (ن) لیگ اور پیپلز پارٹی آئندہ 30 سال تک باریاں لیتے رہتے، تحریک انصاف ملک سے اسٹیٹس کو توڑنے کیلیے میدان میں اتری ہے۔ انھوں نے کہا کہ گزشتہ عام انتخابات منصفانہ ہوتے تو تحریک انصاف حکومت بناتی، جوڈیشل کمشن کے نتائج سامنے آنے پر معلوم ہوتا ہے کہ رواں سال انتخابات کاسال ہوگا جس میں تحریک انصاف ہی آئندہ حکومت بنائے گی۔انھوں نے کہاکہ ن لیگ اور پیپلز پارٹی کے رہنماؤں نے ملک کو لوٹا ہے جس سے لوگ غریب اور وہ خود امیر ہوئے، حکمراں اپنی تجوریاں بھرنے پر توجہ دے رہے ہیں، اگر نواز شریف بنی گالہ میرے گھر نہ آتے تو آج بنی گالہ کی سڑک تعمیرنہ ہوتی، سارا ملک حکومت کی توجہ مانگ رہا ہے، پیپلز پارٹی اور ن لیگ نے اپنے آپ کو احتساب سے بچانے کیلیے اپنا بندہ نیب میں لگایا ہے، دونوں پارٹیوں نے مک مکا کیاہوا ہے، ملک کے ہر ایک شہری پر ایک لاکھ روپے فی کس قرضہ ہے، 2 کروڑ بچے اسکول سے باہر ہیں جبکہ 9 کروڑ لوگوں کو 2 وقت کا کھانا میسر نہیں، 80 ہزار پاکستانی دہشت گردی کے خلاف جنگ میں مارے گئے۔انھوں نے کہاکہ یمن کے معاملے میں غیر جانب دار رہنے پر ہمیں دھمکیاں ملیں، بزدل انسان لیڈر نہیں بن سکتا، مجھے این اے 246 میں الیکشن لڑنے پر خوشی ہے، ن لیگ اور پیپلز پارٹی اپنا امیدوار سامنے نہیں لاسکیں، مجھے عمران اسماعیل پر فخر ہے جس نے ڈٹ کر مقابلہ کیا۔ دریں اثنا عمران خان نے پارٹی کی کور کمیٹی کا اجلاس 29 اپریل کو طلب کرلیا۔
Clear

25°C

اسلام آباد

Clear
Humidity: 79%
Wind: NNW at 11.27 km/h
Friday 25°C / 31°C Thunderstorms
Saturday 25°C / 29°C Thunderstorms
Sunday 22°C / 28°C Thunderstorms
Monday 22°C / 27°C Thunderstorms
Tuesday 23°C / 28°C Thunderstorms
Wednesday 21°C / 28°C Thunderstorms
Thursday 22°C / 28°C Thunderstorms

تازہ ترین خبریں

کالم / بلاگ