ہیڈلائنز


سعودی عرب مستقبل میں یمن سے متعلق فیصلہ پاکستان سے مشورے کے بعد کریگا

Written by | روزنامہ بشارت

اسلام آباد: سعودی عرب یمن میں حوثی قبائل کیخلاف ایک اور فوجی کارروائی شروع کرنے سے قبل پاکستان کو اعتماد میں لے گا۔ میڈیا رپورٹس کے مطابق جمعرات کو پاکستان کی سیاسی وفوجی قیادت کی سعودی قیادت سے تفصیلی ملاقاتوں میں یہ طے پایاکہ سعودی عرب مستقبل میں یمن کی صورتحال پرکسی بھی قسم کافیصلہ پاکستان سمیت تمام اسٹیک ہولڈرزسے مشورے کے بعد کریگا۔ برطانیہ سے واپسی کے بعد وزیراعظم نوازشریف فوجی قیادت کیساتھ ملکرسعودی قیادت کیساتھ طے پانیوالے فیصلوں پر عملدر آمد کے طریقہ کار کو حتمی شکل دینگے۔
وزیراعظم،آرمی چیف اور دیگرحکام نے سعودی قیادت کیساتھ یمن معاملے پرکئی منصوبوں پرتبادلہ خیال کیا اور دونوں ممالک کے حکام معاملے کے اگلے مرحلے کیلیے تیارہیں۔ پاکستانی فوجی حکام نے سعودی قیادت کوآگاہ کیاکہ’فیصلہ کن طوفان، آپریشن کا آغاز جلد بازی میں، اہداف کی نشاندہی کے بغیر اور بغیر تیاری کے کیاگیا۔ذرائع نے دعوی کیاکہ یمن معاملے پرپاکستان نے اپنا غیرجانبدار رہنے کا موقف ترک کردیا ہے۔ذرائع کے مطابق پارلیمنٹ کی قرارداد پر پیدا ہونے والا ابہام بھی کامیابی سے دور کرلیا گیا ہے۔ پاکستانی فوجی حکام نے سعودی قیادت کے ساتھ یمن میں زمینی کارروائی بارے بھی تبادلہ خیال کیا اورکہاکہ زمینی کارروائی کے بغیر یمن میں حکومت کی بحالی ممکن نہیں۔

Clear

18°C

اسلام آباد

Clear
Humidity: 46%
Wind: N at 11.27 km/h
Tuesday 17°C / 25°C Sunny
Wednesday 18°C / 27°C Sunny
Thursday 21°C / 26°C Sunny
Friday 19°C / 26°C Sunny
Saturday 18°C / 25°C Sunny
Sunday 20°C / 24°C Sunny
Monday 18°C / 25°C Sunny

تازہ ترین خبریں

کالم / بلاگ