ہیڈلائنز


جنرل راحیل شریف کا دفاعی پیداوار میں مزید بہتری اور خودانحصاری کے حصول پر زور

Written by | روزنامہ بشارت

اسلام آباد: آرمی چیف جنرل راحیل شریف نے کہاہے کہ پاکستان آرڈننس فیکٹریز(پی او ایف)کا ملکی دفاع میں اہم کردار ہے۔ پی او ایف نے پاک افواج کی جنگی صلاحیتوں اور استعداد میں اضافے کے حوالے سے بھی گرانقدر کرداراداکیا ہے۔آئی ایس پی آر کے مطابق آرمی چیف نے پیر کو پاکستان آرڈننس فیکٹری واہ کا دورہ کیا۔چیئرمین پی او ایف واہ کی جانب سے ان کے ادارہ کے زیرانتظام فیکٹریز کی کارکردگی اور 2020ء کی مناسبت سے توسیعی منصوبوں کے بارے میں تفصیلی بریفنگ دی گئی۔ آرمی چیف کو بتایاگیا کہ ان منصوبوں کے تحت اسلحہ سازی میں اضافے کے ساتھ معیار بھی بڑھے گا اور اس کے نتیجے میں زرمبادلہ بھی بچے گا۔اس موقع پر اسٹاف سے خطاب کرتے ہوئے جنرل راحیل نے کہاکہ پی او ایف ملک کا سب سے بڑا اور اہم ترین دفاعی ادارہ ہے ،اس انڈسٹری نے پاک افواج کی استعداد اورجنگی صلاحیتوں میں اضافے کے حوالے سے گرانقدر کردار ادا کیاہے۔ انھوں نے دہشت گردی کے خاتمے کے لیے شروع کردہ فوجی آپریشن ’’ضرب عضب‘‘ کے دوران اسلحہ ودیگر سامان حرب کے حوالے سے ضروریات پوری کرنے کے سلسلے میں پی او ایف کے کردار کو خاص طور پر سراہا۔آرمی چیف نے دفاعی پیدوار میں اضافے کے حوالے سے پی او ایف کی انتظامیہ کے کردار کی بھی تعریف کی۔انھوں نے اس موقع پر دفاعی پیداوار میں تکنیکی طور پر یہ بہتری اور اس شعبہ میں خودانحصاری کے حصول پر زور دیا۔

Sunny

23°C

اسلام آباد

Sunny
Humidity: 37%
Wind: NW at 11.27 km/h
Wednesday 20°C / 29°C Sunny
Thursday 22°C / 29°C Sunny
Friday 22°C / 29°C Sunny
Saturday 21°C / 29°C Sunny
Sunday 21°C / 27°C Sunny
Monday 19°C / 25°C Scattered thunderstorms
Tuesday 18°C / 25°C Sunny

تازہ ترین خبریں

کالم / بلاگ