750 پاکستانی فوجی سعودی عرب میں موجود ہیں، خواجہ آصف

Written by | روزنامہ بشارت

اسلام آباد: وفاقی وزیر دفاع خواجہ محمد آصف نے کہا ہے کہ اگر سعودی عرب کی خودمختاری کی خلاف ورزی ہوئی تو پاکستان اس کا بھرپور دفاع کرے گا۔ وزیراعظم کی زیرصدارت ہونے والے اہم اجلاس کے بعد نجی ٹی وی سے گفتگو کرتے ہوئے وفاقی وزیر دفاع کا کہنا تھا کہ اس وقت سعودی عرب کو مشکل کا سامنا ہے اور اس مشکل وقت میں پاکستان کے ساڑھے سات سو فوجی سعودی عرب میں موجود ہیں۔ نجی ٹی وی سے بات کرتے ہوئے خواجہ آصف کا کہنا تھا کہ سعودی عرب نے 1999ء میں پاکستان کو مفت تیل دیا تھا اور دونوں ممالک آپس میں بہترین دوست ہیں۔ انہوں نے واضح کیا کہ سعودی عرب کے ساتھ پاکستان کی کمٹمنٹ اٹل ہے اور اسے ضرور نبھایا جائے گا۔ اگر اس ملک کی خود مختاری پر کوئی آنچ آئی تو پاکستان ہر حال میں دفاع کرے گا۔ خواجہ آصف کا کہنا تھا کہ آج وزیر اعظم کی زیر صدارت اہم اجلاس منعقد ہوا تھا، جس میں ان کو وفد کے ہمراہ سعودی عرب بھیجنے کا فیصلہ کیا گیا ہے۔ انہوں نے مزید بتایا کہ وہ اس معاملے پر کل ہونے والے پارلیمنٹ کے اجلاس میں بات کریں گے۔ خواجہ آصف کا کہنا تھا ہم نے گزشتہ 3 دہائیوں میں تاریخ سے بہت کچھ سیکھا ہے اور اب ہم کسی فرقہ وارانہ جنگ کا حصہ نہیں بنیں گے۔ وزیر دفاع نے کہا کہ ابھی تک سعودی عرب کی حدود کی خلاف ورزی نہیں ہوئی ہے اور وہ وہاں جا کر ملاقاتوں کے بعد تمام صورتحال کا جائزہ لیں گے۔


Read Basharat Online

روزنامہ بشارت ٹویٹر


Follow Daily_Basharat on Twitter
Clear

16°C

اسلام آباد

Clear
Humidity: 77%
Wind: NNW at 17.70 km/h
Clear

21°C

لاہور

Clear
Humidity: 50%
Wind: NNW at 22.53 km/h
Clear

23°C

کراچی

Clear
Humidity: 95%
Wind: WSW at 17.70 km/h
Clear

14°C

کوئٹہ

Clear
Humidity: 10%
Wind: SSE at 11.27 km/h
Clear

18°C

پشاور

Clear
Humidity: 54%
Wind: W at 11.27 km/h