ہیڈلائنز


ملک میں چھٹی مردم شماری اگلے سال کرانے کا اعلان

Written by | روزنامہ بشارت

اسلام آباد: وفاقی حکومت نے چاروں صوبوں کے اتفاق رائے سے مارچ 2016ء میں ملک میں چھٹی مردم شماری کرانے کا اعلان کیا ہے جس میں ضرورت پڑنے پر سول آرمڈ فورس اور پاک فوج کی خدمات بھی فراہم کی جائیں گی۔ یہ فیصلہ وزیراعظم نواز شریف کی سربراہی میں اسلام آباد میں ہونے والے مشترکہ مفادات کونسل کے اجلاس میں کیا گیا۔ اجلاس میں چھٹی مردم شماری اور خانہ شماری مارچ 2016ء میں کرانے کی منظوری دے دی گئی جس پر تیرہ ارب روپے خرچ ہوں گے اور فیصلہ کیا گیا کہ مردم شماری کیلئے جہاں ضرورت پڑی سول آرمڈ فورس اور پاک فوج کی خدمات بھی فراہم کی جائیں گی۔ اجلاس میں ملک میں مجسٹریسی نظام بحال کرنے کی بھی منظوری دے دی گئی جبکہ مجسٹریسی نظام بحال کرنے کا مسودہ قانون بھی منظور کر لیا گیا۔

سندھ اور خیبرپختونخوا کے اعتراضات کے باعث پاور جنریشن پالیسی کی منظوری موخر کر دی گئی اور ایک کمیٹی تشکیل دے دی گئی جو صوبوں سے پالیسی پر مشاورت کرے گی۔ کونسل نے پیٹرولیم پالیسی دو ہزار نو اور دو ہزار بارہ میں ترامیم بھی منظوری دی گئیں۔ کونسل نے پاکستان حلال اتھارٹی قائم کرنے کے بل کی بھی منظوری دے دی جبکہ ہائر ایجوکیشن کمیشن کے مستقبل پر کوئی فیصلہ نہ ہوسکا تاہم اس حوالے کمیٹی تشکیل دے دی گئی ہے۔

Clear

26°C

اسلام آباد

Clear
Humidity: 79%
Wind: NNW at 6.44 km/h
Tuesday 22°C / 28°C Thunderstorms
Wednesday 23°C / 29°C Thunderstorms
Thursday 22°C / 27°C Thunderstorms
Friday 21°C / 24°C Thunderstorms
Saturday 22°C / 28°C Thunderstorms
Sunday 23°C / 28°C Thunderstorms
Monday 23°C / 28°C Sunny

تازہ ترین خبریں

کالم / بلاگ