ہیڈلائنز


سپریم کورٹ نے الیکشن کمیشن سے بلدیاتی انتخابات کا حتمی شیڈول 10 مارچ کو طلب کرلیا

Written by | روزنامہ بشارت

اسلام آباد: سپریم کورٹ نے خیبرپختونخوا میں 30 مئی اور آزاد کشمیر میں 5 ماہ کے اندر بلدیاتی انتخابات کرانے کا حکم دیتے ہوئے پنجاب، سندھ  اور اسلام آباد کے لئے حتمی شیڈول 10 مارچ  کو طلب کرلیا۔ تفصیلات  کے مطابق جسٹس جواد ایس خواجہ کی سربراہی میں تین رکنی بنچ نے بلدیاتی انتخابات سے متعلق درخواستوں پر سماعت کی۔ اس موقع پر عدالت نے بلدیاتی انتخابات 25 اپریل کے بجائے 2 مئی کو کرانے کی الیکشن کمیشن کی استدعا مسترد کرتے ہوئے پنجاب اور سندھ میں ایک ہی مرحلے میں الیکشن کرانے کا حکم دیا جب کہ عدالت نے بلدیاتی انتخابات 20 ستمبر کو کرانے کی تجویز تحریری طور پر طلب کرلی۔ جسٹس جواد ایس خواجہ نے استفسار کیا کہ الیکشن کمیشن بتائے کہ آخر اسے کیوں اتنا وقت درکار ہے، الیکشن میں بغیر وجہ ایک دن کی تاخیر بھی برداشت نہیں کی جائے گی جب کہ سندھ اور پنجاب کے چوتھے انتخابی شیڈول پر بھی تحفظات ہیں، عدالت کسی کے مخالف نہیں لیکن آئین پر من پسند انداز میں عملدرآمد کیا جارہا ہے۔ سپریم کورٹ کے تین رکنی بنچ نے الیکشن کمیشن کو حکم دیا کہ خیبرپختونخوا میں 30 مئی اور آزاد کشمیر میں 5 ماہ کے دوران انتظامات مکمل کرتے ہوئے بلدیاتی انتخابات کرائے جائیں جب کہ کیس کی مزید سماعت 10 مارچ تک کے لیے ملتوی کردی گئی۔ دوسری جانب الیکشن کمیشن نے سندھ حکومت کو خط لکھا ہے جس میں صوبائی حکومت سے 10 مارچ تک حلقہ بندیوں کی معلومات فراہم کرنے کی درخواست کی گئی ہے ۔

Thunderstorms

27°C

اسلام آباد

Thunderstorms
Humidity: 78%
Wind: W at 11.27 km/h
Monday 23°C / 28°C Thunderstorms
Tuesday 22°C / 28°C Thunderstorms
Wednesday 23°C / 29°C Thunderstorms
Thursday 22°C / 26°C Thunderstorms
Friday 21°C / 26°C Thunderstorms
Saturday 21°C / 27°C Thunderstorms
Sunday 23°C / 28°C Sunny

تازہ ترین خبریں

کالم / بلاگ