ہیڈلائنز


سابق گورنر پنجاب چوہدری سرور کا تحریک انصاف میں شمولیت کا اعلان

Written by | روزنامہ بشارت

اسلام آباد: سابق گورنر پنجاب چوہدری سرور نے تحریک انصاف میں شامل ہونے کا باضابطہ اعلان کردیا۔ اسلام کے مقامی ہوٹل میں تحریک انصاف کی جانب سے منعقدہ تقریب سے خطاب کرتے ہوئے چوہدری سرور کا کہنا تھا کہ تحریک انصاف میں شمولیت اختیار کرنے پر فخر ہے جبکہ گورنر کا عہدہ چھوڑنے پر عوام کی جانب سے بہت پذیرائی ملی، جب گورنر پنجاب کا عہدہ سنبھالا تو کہا تھا کہ میں پاکستان کو دینے کے لئے آٰیا ہوں کچھ لینے کے لئے نہیں، جن عہدوں سے عوام کو فائدہ نہ ہو ان کا کوئی فائدہ نہیں۔ انہوں نے کہا کہ ملک میں اسٹیٹس کو سے ٹکرانا آسان کام نہیں جبکہ ملک میں اس وقت 5 فیصد لوگوں نے  95 فیصد عوام کو یرغمال بنایا ہوا ہے ہمیں ایسا ملک بنانا ہے جہاں 95 فیصد عوام کی حکمرانی ہو، جاگیرداروں اور وڈیروں کے گھروں میں 23 ملین بچے اسکولوں کے بجائے کام کر رہے ہیں۔


چوہدری سرور نے کہا کہ جو شخص ملک سے کرپشن کے خاتمے اور تبدیلی کی بات کرتا ہے اس پر تحریک انصاف کا لیبل لگادیا جاتا ہے، تحریک انصاف جمہوریت پسند جماعت ہے جو ملک سے اسٹیٹس کو کے خاتمے کے لئے جدوجہد میں مصروف ہے،پی ٹی آئی انصاف کی بات کرتی ہے اور کرپشن، ناانصافی اور احتساب پر کوئی سمجھوتہ نہیں ہوگا،پاکستان سےآج بھی غربت اورجہالت کا خاتمہ نہیں ہوا،عوام کے ساتھ زیادتیاں ہورہی ہیں اورانہیں انصاف نہیں ملا۔ انہوں نے کہا کہ عمران خان 20 سال سے پاکستان میں جدوجہد کررہے ہیں،مخالفین نے عمران خان پرالزامات لگائے مگران پرکرپشن کا کوئی الزام نہیں جبکہ عمران خان نے ہی مجھے کہا کہ اگر تحریک انصاف کو حکومت کا موقع ملا تو بیرون ملک مقیم پاکستانیوں کے مسائل حل کریں گے۔

Sunny

11°C

اسلام آباد

Sunny
Humidity: 54%
Wind: NNW at 11.27 km/h
Wednesday 11°C / 18°C Sunny
Thursday 10°C / 18°C Partly cloudy
Friday 10°C / 20°C Mostly sunny
Saturday 12°C / 21°C Sunny
Sunday 14°C / 21°C Mostly sunny
Monday 12°C / 18°C Partly cloudy
Tuesday 12°C / 16°C Sunny

تازہ ترین خبریں

کالم / بلاگ